“Siunnersuutip uuma: Meeqqat tapersersorneqarnissaannut Namminersorlutik Oqartussat nalunaarutaat nr. xx, xx. xxx –imeersoq”-p tusarniutigineqarnera”

Isumaginninnermut Inatsisinillu Atuutsitsinermut Naalakkersuisoqarfiup maannangaaq uunga siunnersuut: Meeqqat tapersersorneqarnissaannut Namminersorlutik Oqartussat nalunaarutaat nr. xx, xx.xxx-imeersoq” pisortatigoortumik tusarniutigalugu nassiuppaa.

Tusarniutigineqartup allaatigineqarneqarnera
Meeqqat tapersersorneqarnissaannut nalunaarummut nutaamut missingiut aqqutigalugu aalajangersakkamik nutaamik ikkussisoqarpoq (§ 1, imm. 4), tassani Meeqqat tapersersorneqarnissaannut Inatsisartut inatsisaannut ilitsersuutit, najoqqutassat aamma ikiuutissatut atortut allat Pitsaaliuinermut Isumaginninnermullu Aqutsisoqarfiup suliarisimasai kommuninit atorneqartarnissaat pisussaaffiliunneqarpoq.

Nalunaarummi aalajangersakkat allat Meeqqat tapersersorneqarnissaannut Namminersorlutik Oqartussat nalunaarutaanni nr. 16, 8. november 2017-imeersumi malittarisassanik atuuttunik ingerlatitseqqinnerummata maluginiarneqassaaq.

Tunuliaqutaasoq
Meeqqat inuussuttullu pillugit sulianut atatillugu Pitsaaliuinermut Isumaginninnermullu Aqutsisoqarfik ingerlaavartumik kommunit sulisuinut sanileralugit ilinniartitsisarpoq aamma sulianik suliarinninnermi ikiuisarluni. Tassunga atatillugu meeqqat tapersersorneqarnissaannut inatsimmut ilaatigut oqartussaasutut suliassat pillugit ilitsersuummik qanittukkut aqutsisoqarfik suliaqarsimavoq, tassani sulianik suliaqartutut najoqqutassat, inatsimmik nassuiaanerit aamma iliuusissatut periarfissat pillugit piviusumik qanoq sulisoqarnissaat allaaserineqarpoq. Ilitsersuutinut najoqqutassat aamma eqqaamasassat pillugit allattuiffiit amerlasuut suliarineqarput katersorneqarlutillu, taakkualu suliamik suliarinnittup inatsimmik eqqortitsinissaanut tulleriiaarluakkamillu sulinissaanut ikiuutaassapput.
Kommunit sulisuinik ikorfartuinissaq ilinniartitsinissarlu sapinngisamik pitsaanerpaamik aqutsisoqarfimmit ingerlanneqaqqullugu, aqutsisoqarfimmit ikorfartorneqartunik, assigiiaartumik ataqatigiissillugit aaqqissuussinernik kommunit atuinissaat pingaaruteqarluinnarpoq. Tamanna aalajangersakkamik nutaamik ikkussinikkut, tassani aqutsisoqarfimmit suliarineqarsimasunik ilitsersuutinik il.il. tamatigut malinninneqartussanik, kommuninut pisussaaffiliinikkut qulakkeerneqarpoq.

Tusarniaaneq pillugu nalinginnaasut
Missingiummut nassiunneqartumut oqaaseqaataajunnartut Isumaginninnermut Inatsisinillu Atuutsitsinermut Naalakkersuisoqarfimmi kingusinnerpaamik 25. maj 2020 tiguneqareersimassapput.
Tusarniaanermut akissutit e-mailimut iian@nanoq.gl-imut imaluunniit allakkatigut uunga: Isumaginninnermut Inatsisinillu Atuutsitsinermut Naalakkersuisoqarfik, Postbox 260, 3900 Nuuk-mut nassiunneqassapput

Sammisaq:

Inunnik isumaginninneq

Tusarniaanerup suunera:

Nalunaarut

Naalakkersuisoqarfik:

Isumaginninnermut, Ilaqutariinnut Inatsisinillu Atuutsitsinermut Naalakkersuisoqarfik

Saqqummiunneqarfia:

27 apriili 14:50:00

Tusarniaanermi piffissaliussaq:

25 maaji 00:00:00

Tusarniaanermi akissutit uunga nassiuteqquneqarput:

iian@nanoq.gl