Sinerissap qanittuani qaleralinniarneq pillugu Namminersorlutik Oqartussat nalunaarutissaattut siunnersuut pillugu tusarniaaneq.

Sinerissap qanittuani qaleralinniarneq pillugu Namminersorlutik Oqartussat nalunaarutissaattut missingiut matumuuna tusarniutigalugu nassiunneqarpoq.

 

Siunnersuut aqutsiveqarfiit amerlassusaasa nassuiarnerisalu allanngortinnerinik kiisalu Kalaallit Nunaata avannaani aalisarfiit pisassanik killilersuiffiuinngitsut atorunnaarsinnissaanik imaqarpoq.

 

Tamatuma saniatigut oqaatsit arlanni atorneqartut erseqqissaaffigineqarput.

 

§§ 2-mi aamma 6-imi pingaarnerusumik allanngortitsisoqarpoq, tamatumalu kingunerisaanik paragraf-it normui allanngorput paragraffillu 12-iinanngorlutik.

 

§ 2-mi aqutsiveqarfiit nalunaarummut ilanngussaq naapertorlugu amerlisinneqarput. Tamanna 2021-imut aalisagartassat pillugit NAFO-p siunnersuineranik tunngaveqarpoq.

 

Aalisarfiit pisassanik killilersuiffiuinngitsut massakkut nalunaarummi § 6-imi allassimasut atorunnaarput tamatumalu kingunerisaanik paragraf-it tullinnguuttut normui allanngorput.

 

Siunnersuummut oqaaseqaataajunnartut Aalisarnermut, Piniarnermut Nunalerinermullu Naalakkersuisoqarfimmit, ajornanngippat kalaallisut qallunaatullu, kingusinnerpaamik 28. august 2020 nal. 12.00 nassiuteqquneqarput.

 

Oqaaseqaatit mailikkut uunga nassiunneqassapput APNN@nanoq.gl.

Sammisaq:

Aalisarneq

Tusarniaanerup suunera:

Nalunaarut

Naalakkersuisoqarfik:

Aalisarnermut Piniarnermut Nunalerinermullu Naalakkersuisoqarfik

Saqqummiunneqarfia:

22 juli 00:00:00

Tusarniaanermi piffissaliussaq:

28 aggusti 00:00:00

Tusarniaanermi akissutit uunga nassiuteqquneqarput:

APNN@nanoq.gl