Uunga siunnersuut: Aalisarnermik nakkutilliineq pillugu Namminersorlutik Oqartussat nalunaarutaat

Tusarniaanermut ilanngunneqarput:

-       Aalisarnermik nakkutilliineq pillugu Namminersorlutik Oqartussat nalunaarutissaattut siunnersuut

-       Ilanngussaq 1 – ERS-imi immikkoortui nassiussinermi naalisaanerit ilanngunnagit

-       Ilanngussaq 2 – Umiarsuup allattaavii pappiaqqat

-       Ilanngussaq 3 – PSC FAO immersugassaq 

Kalaallit Nunaanni aalisarnermik nakkutilliineq pillugu nalunaarutissatut siunnersuut kakkiunneqartoq tassaavoq nakkutilliinermi nalunaarutinik atuuttunik iluarsaassineq. Malittarisassat ullutsinnut tulluarnerusut aamma innuttaasunut oqartussanullu paasiuminarnersunut pilersinnissaat siunertaralugu siunnersuummi allannguutit arlallit atulersinneqassapput. Malittarisassat pisariillisarniarlugit siunnersuut suliarineqarpoq, nalunaarutimmi atuuttut pingasut aalisarnermik nakkutilliineq pillugu nalunaarummut ataatsimoortinneqarput.

Siunnersuummi immikkoortut pingaarnerit 

17 meterinik tamakkiisumik takissusilinnut takinerusnullu ERS pillugu piumasaqaat

Angallatit 17 meterinik tamakkiisumik takissusilinnut takinerusunullu ERS-imik aaqqissuussaq, Kalaallit Nunaanni Aalisarsinnaanermut Akuersissutinik Nakkutilliisoqarfiup akuerisaanik, atugaqarnissaannik siunnersuut piumasaqaateqarpoq. Siunnersuutaavoq aamma nikinneq pillugu aaqqiinermik ilanngussinissaq, § 49, imm. 3 naapertorlugu, angallatit tamakkiisumik takissusaannut piumasaqaat 17 meteriniit 15 meterinut allanngortinneqassasoq nalunaarutip atuutilernerata kingorna ukiut marluk qaangiuppata.

ERS atorlugu nalunaarutit

ERS atorlugu nalunaarutit ataatsimut isigalugu assigiipput, kisianni maannakkut qarasaasiaq atorlugu ingerlanneqarsinnaallutik nunallu tamat eqqarsaatigalugit assigiissarneqarlutik. Taamaattoq aalisalernermik nalunaarut allanngortinneqarpoq aalisarnikkut oqartussaaffimmut appakaatilernermik nalunaarummut, aamma aalisarunnaarnermik nalunaarut allanngortinneqarpoq aalisarnikkut oqartussaaffimmiit qimagutilernermik nalunaarummut aamma umiarsualivissinnermik nalunaarummut.

Pisanik uppernarsaatinik atuutilersitsineq

Naalagaaffittut erfalasoqarfittut nalunaaruteqarneq malillugu Kalaallit Nunaanni Aalisarsinnaanermut Akuersissutinik Nakkutilliisoqarfik tassaavoq Kalaalit Nunaanni Namminersorlutik Oqartussani oqartussaasoq pisanik uppernarsaanermi, nunanut allanut nioqquteqartartut EU-mi nunamut ilaasortamut annissiniarlutik kissaateqarpata, atuutilersitsinermut akisussaasoq. Aalisarneq pillugu inatsimmi § 26, imm. 1-imi inatsisitigut tunngavik siunnersuummi ersarissarneqarpoq, pisat unioqqutitsilluni aalisarnermut tunngassuteqarpata, Kalaallit Nunaanni Aalisarsinnaanermut Akuersissutiginik Nakkutilliisoqarfiup pisanik uppernarsaanissaq itigartitsissutigisinnaagaa.

Unioqqutitsilluni pisat tunineqarnissaannut inerteqqut

Aalisarneq pillugu inatsimmi § 26, imm. 2-mi malittarisassat siunnersuummi atortussanngortinneqarput, tamatumalu kingorna aalisarneq pillugu inatsimmut inatsilluunniit malillugu malittarisassat atuutilersinneqartunut akerliusumik pisat tunniunneqarnissaat, pisiarineqarnissaat tuniniarneqarnissaalluunniit inerteqqutaalissaaq. Tamanna tillitanik pisinertut isigineqarpoq, tamannalu § 111 naapertorlugu Kalaallit Nunaanni Pinerluttulerinermik inatsimmi ilaareerpoq. Pinerluttulerinermi inatsimmi siunertaqarneq piumasaqaataasoq, nalunaarummi atortussanngortinneqarnerata kingunerissavaa mianersuaalliortoqartillugu pineqaatissiisinnaasoqalernera.

Nunat tamat akornanni malittarisassat

Nunat tamat akornanni malittarisassat ilanngunneqarput, ilaatigut tunisassiornermi umiarsuup allattaavii, pisanik usingineqartunik nalunaaqutsiisarneq, usilersortarfiit allaaserineqarneri aamma uppernarsaaneq il.il. pissutigalugit.

Port State Control

PSC pillugu malittarisassat nalunaarummut ilanngunneqarput. Kalaallit angallataataat nunani allani tulaassitillugit pineqaatissinneqarsinnaaneri ersarissarneqarpoq. Tamanna aamma isumaqarpoq, Kalaallit Nunaata angallatinut nunani allaneersunut nunatsinni umiarsualivinnut tulaassiniartunut IUU-mik malittarisassat atortuutissinnaangai aamma atortuutissangai.

Nakkutilliinermut tunngavissaq

Nakkutilliinissamut tunngavissaq nutarterneqarpoq ersarissarneqarlunilu, taamaalilluni KANUAANA nakkutilliinermi suliassat pisariaqartut naammassilluarsinnaanngorlugit aamma ersarissumik tunngavissaqarluni. Assersuutigalugu tamanna atuutissaaq tulaassinermik nakkutilliilluni usit tamarmik oqimaalutarlugit misissorneqarneranni imaluunniit misissugassanik tigusinermi.

Siunnersuummut oqaaseqaatit Aalisarnermut, Piniarnermut Nunalerinermullu Naalakkersuisoqarfimmut tunniunneqariissapput kingusinnerpaamik:

18. september 2020, nal. 17.00

Siunnersuummut oqaaseqaataasinnaasut nassiuteqquneqarput e-mail atorlugu uunga

APNN@nanoq.gl aamma cc-tut thra@nanoq.gl.

Tusarniaanermi akissutit word-itut pdf-itullu nassiuteqquneqarput. 

Allaatigiuk:

-

Sammisaq:

Aalisarneq

Tusarniaanerup suunera:

Nalunaarut

Siunertaq:

-

Saqqummiunneqarfia:

21 aggusti 14:53:00

Tusarniaanermi piffissaliussaq:

02 oktobari 17:00:00

Tusarniaanermi akissutit uunga nassiuteqquneqarput:

APNN@nanoq.gl