”Kommunit Pilersaarusiorneranni Namminersorlutik Oqartussat Soqutigisaannut Takussutissiaq - 2020”-mut siunnersuut

Matumani tusarniagassatut nassiuppara, marlunngornermi oktobarip 20-ani kingusinnerpaamik akisassanngorlugu, ”Kommunit Pilersaarusiorneranni Namminersorlutik Oqartussat Soqutigisaannut Takussutissiaq - 2020”-mut siunnersuut.

Takussutissiamut siunnersuut Pilersaarusiorneq aamma nunaminertat atorneqartarnerat pillugit Inatsisartut inatsisissaat nr. 17, 17. november 2010-meersoq, § 5, imm. 3 malillugu suliarineqarpoq. Tassani allaqqavoq Naalakkersuisut minnerpaamik ukiut sisamakkaarlugit sanaartorfissanik pilersaarusiornermi inuiaqatigiinni soqutigisat pingaarutillit takussutissorsiortassagaat. Tamatumani inatsisitigut aalajangikkat, iliuusissanik pilersaarut, pisortat suliassaqarfiini pilersaarut, nuna tamakkerlugu pilersaarut, pisortanullu isumaqatigiissusiat allat ilaapput.

Nuna tamakkerlugu kommuninilu ineriartortitsinermut pilersaarusiortut nuna tamakkerlugu imaluunniit illoqarfinni pilersaarusiornerminni inatsisit, nunap immikkoortui, nunap agguarneri, assigisaallu, suut sillimaffigissallugit ilisimanissaat qulakkeerniarlugu Nuna Tamakkerlugu Pilersaarusiortarnermut Immikkoortortaqarfiup nalunaarusiaq suliarivaa. Taamammat soqutigisarisat taakku takussutissiami matumani nassaarineqarsinnaanerat pingaaruteqarpoq, aammattaaq soqutigisarisanut akisussaasut kikkuuneri erseqqinneri pingaaruteqarluni. Imaappoq oqartussaasut kikkorpiaat soqutigisarisat NunaGISimut ilinissai nutarternissaalu akisussaaffiginerai.

Kingusinnerpaamik marlunngornermi oktobarip 20-ani 2020 tusarniaanermi akissutit uunga nassiuteqquneqarput: Imaneq 4, Postboks 1037, 3900 Nuuk imaluunniit Naalakkersuisoqarfiup pisortatigoortumik emailianut uunga oed@nanoq.gl

Sammisaq:

Nuna tamakkerlugu pilersaarusiortarneq

Tusarniaanerup suunera:

Inatsisartut inatsisaat

Naalakkersuisoqarfik:

Aningaasaqarnermut Naalakkersuisoqarfik

Saqqummiunneqarfia:

25 aggusti 12:55:00

Tusarniaanermi piffissaliussaq:

20 oktobari 00:00:00

Tusarniaanermi akissutit uunga nassiuteqquneqarput:

oed@nanoq.gl