Namminersorlutik Oqartussat nalunaarutaannut siunnersuut nr. xx xx. xxx-mut, Nappaatit tunillaassortut akiorniarlugit iliuutsit pillugit Inatsisartut peqqussutaat ilanngussaq 1 pillugu allannguummut tusarniaassut.

Peqqissutsimut Naalakkersuisoqarfik maanna Namminersorlutik Oqartussat nalunaarutaannut siunnersuut nr. xx xx. xxx 2020-mut ingerlateqqippaa.

Siunnersuutaagallartumut oqaaseqaatit kingusinnerpaamik 21. februar 2020 nassiunneqarnissaat Naalakkersuisoqarfiup piumasarissavaa. Oqaaseqaatit uunga nassiuteqquneqarput pn@nanoq.gl assingalu uunga aamma nassiuteqquneqarpoq msuz@nanoq.gl .

Tusarniaaneq sivikillisaq
Tusarniaaneq sapaatip akunneranut marlunnut sivikillineqarpoq, sapaatip akunneranut sisamanut tusarniaanermut killigititap saneqqunneqarnissaanut pisut immikkuullarissut tassani pissutigineqarput. Taassuma saniatigut tusarniaassutit annertoorsuunngillat, peqqussummi ilanngussap 1-mi nappaatip taaguutaanut kisimi ilaassuteqartoqarmat.

Siunnersuutip tunulequtaa aamma siunertaa
Siunnersuutip kisimi siunertaraa Tunillaassortunik nappaalanersuaqarneranut ataatsimiititaliarsuup piginnaasai annertusillugit taamaasilluni Coronavirus (2019-nCoV) ilanngunneqarluni.

December 2019-miilli puakkut nipititsinerit assigiinngitsut nassaarineqarput, isumaqartoqarpoq coronavirus-mit nutaamit, (2019-nCoV) taagorneqartumit peqquteqartoq. Illoqarfimmi Wuhanimi, Hubei-imi Kinami nassaarineqarput. Takutinneqarportaaq Europami inummiit inummut attaveqarnikkut amerlanngitsut tunillatsissimasut. Kalaallit Nunaanni, Savalimmiuni aamma Danmarkimi maannakkuugallartoq tunillatsittoqarsimanngilaq. Tunillaassuunerup Kalaallit Nunaanni siaruaassinnaanera annikingaatsiarneranut nalilerneqarpoq, kisianni pisoq malinnaavigineqarluarpoq.

Nalilerneqarpoq Coronavirus allassimaffik A-mi nappaatinut tamanut ulorianartunut ilanngunneqassaa naleqquttusoq. Ulloq 30. januar 2020, Coronavirus nutaaq pissutigalugu, WHO nalunaarutigaa nunarsuarmi tamarmi ajornartoortoqartoq. Kalaallit Nunaanni tunillatsissinnaaneq appasittutut nalilerneqarpoq, kisianni soorunami pingaaruteqarpoq Tunillaassortunik nappaalanersuaqarneranut ataatsimiititaliarsuaq Nappaatit tunillaassortut akiorniarlugit iliuutsit pillugit Inatsisartut peqqussutaat nr. 20, 12. november 2001-imeersoq tunngavigalugu pisinnaasat tunngavigalugit aallartisarnissaanut periarfissaqarnissaa.

Siunnersuutip pingaarnersaat
Siunnersuutip nappaat Coronavirus (2019-nCoV) allassimaffik A-mi nappaatinut tamanut uloriarnartunut ilanngussaq 1-mi kisimi ilanngunneqarpoq.

Sammisaq:

Peqqinnissaq

Tusarniaanerup suunera:

Nalunaarut

Naalakkersuisoqarfik:

Peqqissutsimut Naalakkersuisoqarfik

Saqqummiunneqarfia:

07 februari 09:07:00

Tusarniaanermi piffissaliussaq:

21 februari 00:00:00

Tusarniaanermi akissutit uunga nassiuteqquneqarput:

pn@nanoq.gl assingalu uunga aamma nassiuteqquneqarpoq msuz@nanoq.gl