2030-mut Kalaallit Nunaanni Uumassusillit assigiinngissitaarnerinut suliniutissat tamanut ammasumik tusarniaassutigineqarneri

Matumuuna Ilisimatusarnermut Avatangiisinullu Naalakkersuisoqarfiup 2020-mut Kalaallit Nunaanni Uumassusillit assigiinngissitaarnerinut suliniutissat tamanut ammasumik tusarniaassutigalugit nassiuppai. Piffissami silap pissusiani pinngortitamilu unammilligassaqarfiusumi avatangiisit, innuttaasut nunattalu aningaasaqarnera eqqarsaatigalugit Kalaallit Nunaanni pinngortitami ataqatigiinnernut uumasooqatigiinullu peqqissunut qulakkeereqataanissarput pingaaruteqarpoq.

Aamma Kalaallit Nunaata FN-imi Uumassusillit Assigiinngissitaarneri pillugit isumaqatigiissummut (Uumassusillit assigiinngissitaarnerinut isumaqatigiissut) ilaasutut pisussaaffiisa naammassinissaannut, aamma FN-ip piujuartitsinissamik ineriariartortitsinissaq pillugu nunarsuarmi anguniagaanik naammassinninnissamut 2030-mut Kalaallit Nunaanni uumasut assigiissitaarnerinut suliniutit pingaaruteqarput.

Nunarsuarmi uumassusillit assigiinngissitaanerinik piujuartitsinissamut sinaakkusiussatut isumaqatigiissutip atuuttup 2020-mi naanissaanut isumaqatigiissutissaq nutaaq nunani tamalaani suliarineqarpoq. Isumaqatigiissutissaq FN-imi Uumassusillit Assigiinngissitaarnerisa ataanni isumaqatiginninniutigineqarpoq, aammalu 2021-p aallartinnerani akuersissutigineqarnissaa naatsorsuutigineqarpoq. Kalaallit Nunaanni Uumasut assigiinngissitaarnerinut suliniutissat atorlugit nunarput isumaqatiginninniarnissanut tulliuttunut piareersimalluartussaavoq, aammalu tamatuma kingorna suliniutissanut aalajangersimasunut sinaakkuseeqataasussaalluni.

Tusarniaanermut killigititaq
Tusarniaanermi akissuteqaatit kingusinnerpaamik 01-09-2020-mi Ilisimatusarnermut Avatangiisinullu Naalakkersuisoqarfimmut nassiuteqquneqarput. Tusarniaanermi akissuteqaatit Naalakkersuisoqarfiup e-mailadresseanut tamanut ammasumut uunga nassiuteqquneqarput: pan@nanoq.gl.

Sammisaq:

Silap pissusaa, nukissiuuteqarnerlu

Tusarniaanerup suunera:

Nalunaajaatit-Nalunaarusiat

Naalakkersuisoqarfik:

Ilisimatusarnermut Avatangiisinullu Naalakkersuisoqarfik

Saqqummiunneqarfia:

06 juli 10:26:00

Tusarniaanermi piffissaliussaq:

01 septembari 00:00:00

Tusarniaanermi akissutit uunga nassiuteqquneqarput:

pan@nanoq.gl