Pisat ilaasa nalunaarutigineqarnerini naatsorsueriaatsit pillugit Namminersorlutik Oqartussat nalunaarutissaattut siunnersuut pillugu tusarniaaneq.

Pisat ilaasa nalunaarutigineqarnerini naatsorsueriaatsit pillugit Namminersorlutik Oqartussat nalunaarutissaattut missingiut matumuuna tusarniutigalugu nassiunneqarpoq.

 

Siunnersuut nalunaarummi allannguinermik imaqanngilaq, allannguutissatullu siunnersuutigineqartut nalunaarummut ilanngussami 1-imi suliarineqarsimallutik. Pingaarnertut siunnersuutigineqarpoq nipisannut tunngatillugu pisat pillugit naatsorsuisarnermi kisitsit atorneqartartoq 6,7-imiit 4-mut allanngortinneqassasoq. Imminnguit pillugit siunnersuut allannguutissanik assigiinngitsunik imaqarpoq. Aalisakkanut assigiinngitsunut allanut siunnersuut ilassutinik imaqarpoq. Kiisalu aalisakkat ikerinnarsiortut arlallit ilanngunneqarnissat siunnersuutigineqarluni.  

 

Siunnersuummut oqaaseqaataajunnartut Aalisarnermut, Piniarnermut Nunalerinermullu Naalakkersuisoqarfimmit, ajornanngippat kalaallisut qallunaatullu, kingusinnerpaamik 28. august 2020 nal. 12.00 nassiuteqquneqarput.

 

Oqaaseqaatit mailikkut uunga nassiunneqassapput APNN@nanoq.gl.

Sammisaq:

Aalisarneq

Tusarniaanerup suunera:

Nalunaarut

Naalakkersuisoqarfik:

Aalisarnermut Piniarnermut Nunalerinermullu Naalakkersuisoqarfik

Saqqummiunneqarfia:

23 juli 00:00:00

Tusarniaanermi piffissaliussaq:

28 aggusti 00:00:00

Tusarniaanermi akissutit uunga nassiuteqquneqarput:

APNN@nanoq.gl