Doktorinngorniartarnerit pillugit Namminersorlutik Oqartussat nalunaarutissaattut siunnersuutip tusarniaassutigineqarnera

Doktorinngorniartarnerit pillugit Inatsisartut nalunaarutissaattut siunnersuutip tusarniutigineqarnera ilanngullugu nassiunneqarpoq.

 

Siunnersuutip saqqummiunneqarneranut tunngavigineqarpoq, Ilisimatusarfik pillugu Inatsisartut inatsisaat nr. 12, 12. juni 2019-imeersup akuersissutigineqarnera, taanna atuutilerpoq ulloq 1. august 2019. 

 

Inatsimmi § 15-imi, imm. 4-mi aalajangersarneqarpoq, Naalakkersuisut Doktorinngorniartarnerit pillugit malittarisassanik aalajangersaassapput.

Nalunaarutissatut siunnersuut kapitalinut 5-inut avitaavoq, doktorinngorniarnermi ataqqinaammillu doktorinngorniarnermi ataatsimut aalajangersakkanik, naammagittaalliutinik kiisalu atuutsitsilernermik imaqarpoq. 

 

Nalunaarutip 1. november 2020-mi atuuttussanngortinneqarnissaa siunnersuutigineqarpoq.

 

Siunnersuut Ilisimatusarfimmut tusarniaassutigineqarsimavoq, oqaaseqaatillu massakkut siunnersuutaasumut ilanngunneqarnikuupput. Aammattaaq siunnersuummi inatsisitigut oqaaseqaatit ilanngunneqarput.

 

Oqaaseqaatigineqarsinnaasut Ilinniartitaanermut, Kultureqarnermut Ilageeqarnermullu Naalakkersuisoqarfimmi kingusinnerpaamik ulloq 28. august 2020 tiguneqareersimassasut qinnutigineqarpoq.

 

Oqaaseqaatit Naalakkersuisoqarfiup pisortatigoortumik mail-adresseanut uunga nassiuteqquneqarput: ikin@nanoq.gl imaluunniit Naalakkersuisoqarfiup pisortatigoortumik najugaqarfianut: Ilinniartitaanermut, Kultureqarnermut Ilageeqarnermullu Naalakkersuisoqarfik, Postbox 1029, 3900 Nuuk.

Sammisaq:

Ilinniartitaaneq

Tusarniaanerup suunera:

Nalunaarut

Naalakkersuisoqarfik:

Ilinniartitaanermut, Kultureqarnermut Ilageeqarnermullu Naalakkersuisoqarfik

Saqqummiunneqarfia:

10 juli 00:00:00

Tusarniaanermi piffissaliussaq:

28 aggusti 00:00:00

Tusarniaanermi akissutit uunga nassiuteqquneqarput:

ikin@nanoq.gl