Uunga siunnersuummut missingiut: Aningaasarsianit akileraarutit pillugit Inatsisartut inatsisaata allanngortinneqarneranik aamma pigisanit pissarsiat ilaasa akileraaruserneqartarnerat pillugu Inatsisartut inatsisaat allanngortinneqarneranik

Matumuuna missingiut tusarniagassatut nassiunneqarpoq.

Tusarniaanermut piffissaliussaq d. 12. juni 2020-uvoq.

Tusarniaanermut akissut uunga nassiuteqqullugu qinnuigineqarpoq: Oed@nanoq.gl ilanngullugu (CC) pnil@nanoq.gl

Imarisat
Aningaasarsianit akileraarutit pillugit Inatsisartut inatsisaata allanngortinneqarneranik imarisai pingaarnerit:

  • Ingerlatseqatigiiffiit akileraarutaat 25 %-imut appartillugu.
  • Soraarnerussutisiaqalernissamut aaqqissuussat pillugit malittarisassat allanngortillugit
    • Inatsisip § 39 a aamma § 39 c killiliiffiginissaat soraarnerussutisiaqalernissami aaqqissuussamut nunani pilersinneqarfiusuni, Kalaallit Nunaannut akileraarutit pillugit isumaqatigiissuteqarfigisaannaanut atuutsinniarlugu. Allannguutip nassatarissavaa, § 39 a-mi soraarnerussutisiaqalernissami aaqqissuussat Danmarkimiinnaq piffissaagallartumi pilersinneqarsinnaassasut.
    • § 39 d nutaaq pilersillugu, soraarnerussutisiaqalernissamut aaqqissuussat nunap avataaniittut ilai, § 39 a imaluunniit § 39 c-mi atuuttuni ilaanngitsut ilaatinniarlugit.
    • Oqaatsitigut erseqqissaanerit il.il.
Pigisanit pissarsiat ilaasa akileraaruserneqartarnerat pillugu Inatsisartut inatsisaat allanngortinneqarneranik imarisai pingaarnerit:
  • § 39 a aamma § 39 c killiliiffigineqarnerat pillugu aaqqissuussineq.
  • Qallunaat soraarnerussutisianut akileraarusiinermut inatsit § 53 a-mut innersuussineq atorunnaassaaq. Tamanna inernerissavaa soraarnerussutisiaqalernissamut aaqqissuussat nunap avataanit pilersitat iluanaarutinut akileraartarnermut pigisanit pissarsiat ilaasa akileraaruserneqartarnerat pillugu Inatsisartut inatsisaat naapertorlugu ilaassappata, § 39 a imalt. § 39 c-mut aningaasarsianit akileraarutit pillugit Inatsisartut inatsisaanut ilaassasut.

Tusarniaanerup suunera:

Inatsisartut inatsisaat

Saqqummiunneqarfia:

07 maaji 15:47:00

Tusarniaanermi piffissaliussaq:

12 juni 00:00:00

Tusarniaanermi akissutit uunga nassiuteqquneqarput:

Oed@nanoq.gl ilanngullugu (CC) pnil@nanoq.gl