”Uunga siunnersuut: Aatsitassanik tuniniaaneq aamma avammut annissuineq pillugit Namminersorlutik Oqartussat nalunaarutaat nr. xx, xx. xxx 2018-imeersoq” tusarniaassutigineqarnera

Aatsitassanut Suliffeqarnermullu Naalakkersuisoqarfiup matumuuna missingiut matuma siuliani taaneqartoq, ilitsersuutitaqartoq, tusarniaassutigalugu nassiuppaa.

Tusarniaanermut akissuteqaammik nassiussinissamut piffissamut killiliunneqarpoq: ulloq 4. marts 2019.

Tusarniaanermut oqaaseqaatit nassiunneqassapput E-mail-ikkut uunga: asn@nanoq.gl assilinera uunga bosd@nanoq.gl.

Tusarniaaneq aammattaaq uani www.Naalakkersuisut.gl tusarniaanermut nittartakkani takuneqarsinnaavoq.

Naalakkersuisoqarfiup naleqqutsillugu aqutsisoqarfinnut immikkoortortanullu atissinniittunut tusarniaanermut najoqqutassat nassiutissagai, qinnuigineqarpusi.

Tunngaviusoq

Aatsitassat pillugit ingerlatallu tamatumunnga pingaarutillit pillugit inatsisartut inatsisaat nr. 7, 7. december 2009-imeersumi, kingusinnerusukkut allannguuteqartumi nalunaarut tunngaveqarpoq.

Nalunaarummut missingiut manna makku pillugit maleruagassanik imaqarpoq:

  • Inuinnaat aatsitassanik Kalaallit Nunaanni katersorneqarsimasunik imaluunniit piiarneqarsimasunik tuniniaanerat annissuinerallu.

Sammisaq:

Aatsitassat

Tusarniaanerup suunera:

Nalunaarut

Saqqummiunneqarfia:

05 februari 13:39:00

Tusarniaanermi piffissaliussaq:

04 martsi 00:00:00

Tusarniaanermi akissutit uunga nassiuteqquneqarput:

asn@nanoq.gl assilinera uunga bosd@nanoq.gl