2020-imi qilalukkanut qaqortanut qernertanullu pisassiissutit pillugit tusarniut

Matumuuna 2020-imut qilalukkanut qaqortanut qernertanullu pisas¬siissutit pillugit tusarniut nassiunneqarpoq. Kalaallit Nunaata Kitaani qilalukkanut qaqortanut qernertanullu pisassiissutissanut Aalisarnermut, Piniarnermut Nunalerinermullu Naalakkersuisoqarfik (APNN) inassuteqaatinik nutaanik peqannginnera peqqutigalugu ukiup siulianut naleqqiullugit pisassiissutissatut siunnersuutit allannguuteqanngillat, taamaattumik pisassiissutissat taakkooqqinnissaat siunnersuu¬tigineqarput.

Tunumi qilalukkat qernertartassiissutit pillugit APNN 2017-imi uumasorsiuunit inassuteqaatinik tigusaqarsimavoq, taamaattumillu Ittoqqortoormiini Tasiilamilu ukiut pingasut ingerlanerani qilalugartassiissutit ikiliartortinneqarnissaat siunnersuutigineqarpoq. Taassuma saniatigut APNN ilimasaarneqarpoq uumasorsiuut Tunu pillugu inassuteqaataat nutaajunerusoq suli 2017-imi inassuteqaammit sukanganerusoq. Uumasorsiuulli inassuteqaataat nutaanerpaaq NAMMCO-mi suliarineqaqqaartussaavoq, taamaattumik aatsaat upernaakkut 2020-mi pisortatigoortumik saqqummiunneqassaaq.

Ukioq pisassiivik 2019-imut pisassiissutinik sinniisimasoqarpat kingusinnerusukkut ilanngaatigineqassapput. Tamanna pissaaq Naalakkersuisoqarfiup pisanut nalunaarutit ukioq pisassiivik 2019-imut pisanut nalunaarutit immersorneqarsimasut tamakkerlugit tigoreerpagit. Oktoberimi immikkut qernertartassiissutitut aalajangiussat sinneqassagaluarpata 2020-mut nuunneqassanngillat, aamma immikkut pisassiissutit sinnerneqassagaluarpata 2020-mi pisassaniit ilanngaatigineqassapput.

Sammisaq:

Piniarneq

Naalakkersuisoqarfik:

Aalisarnermut Piniarnermut Nunalerinermullu Naalakkersuisoqarfik

Saqqummiunneqarfia:

29 oktobari 09:26:00

Tusarniaanermi piffissaliussaq:

02 decembari 12:00:00

Tusarniaanermi akissutit uunga nassiuteqquneqarput:

apnn@nanoq.gl