Suliffeqarfiit ikiortarialinnik suliffeqartitsisut nalunaarsukkat pillugit Inatsisartut inatsisaat siunnersuutip tusarniaassutigineqarnera

Matumuuna suliffeqarfiit ikiortarialinnik suliffeqartitsisut nalunaarsukkat pillugit Inatsisartut inatsisaat nr. xx, xx. xxx 2019-imeersumut siunnersuut tusarniaassutigineqarpoq

Tunngavigisaq

Inatsisartut inatsisissaattut siunnersuut manna UKA 2018-imi aalajangiiffigisassatut siunnersuut akuersissutaasoq tunngavigalugu suliarineqarpoq. Siunnersuut suliffeqarfiit ikiortarialinnik suliffeqartitsisut nalunaarsukkat pillugit Danmarkimi inatsisaasumik tamatigoortutut aallaaveqarpoq. Siunnersuut Kalaallit Nunaannut, tamaanilu atuuttunut pissutsinut immikkut ittunut naleqqussarneqarpoq. Ilaatigut akuersissuteqarnissamik aaqqiissummik tunngaveqartuunermigut siunnersuut assigiinngissuteqarpoq.

Suliffeqarfik ikiortarialinnik suliffeqartitsisoq tassaanngilaq ingerlatseqatigiiffiit ilusaat immikkut ittoq.

 

Siunertaq

Suliffeqarfiit ikiortarialinnik suliffeqartitsisuni ikiortarialinnik suliarisanik taamatullu siunertanik siuarsaanissanik siunnersuut tamatigoortumik siunertaqarpoq. Taamaattorli suliffeqarfik ikiortarialinnik suliffeqartitsisoq tassaanngilaq ingerlatseqatigiiffiup ilusaa immikkut ittoq, ingerlanneqarsinnaavorlu A/S-itut, ApS-itut, allatullu ingerlatseqatigiiffiit ilusaattut ilisimaneqartutut imaluunniit peqatigiiffittut.

Suliffeqarfiit ikiortarialinnik suliffeqartitsisut tassaapput suliffeqarfiit inuutissarsiummik ingerlataqartut, siunertaralugu suliaqarnertik isertitaqarnertillu ilaalu ilanngullugit aqqutigalugit immikkut ittunik inooqatigiinnermi siunertanik siuarsaanissaq. Siunnersuut malillugu suliffeqarfinnut ikiortarialinnik suliffeqartitsisunut, suliffimmik ingerlatarineranut piumasaqaatinik aalajangersimasualunnik naapertuutsitsisinnaasunut nalunaarsuisarnermut aaqqissuussiffik atugaalersinneqassaaq.

 

Tusarniaaneq nalinginnarmik

Oqaaseqaataasinnaasut Inuussutissarsiornermut, Nukissiuuuteqarnermut Ilisimatusarnermullu Naalakkersuisoqarfimmut nassiutissapput, uunga: isiin@nanoq.gl

 

Tusarniaanermut akissuteqarnissamut killissaq tassaavoq kingusinnerpaamik ulloq 17. juni 2019.

Sammisaq:

Inunnik isumaginninneq

Tusarniaanerup suunera:

Inatsisartut inatsisaat

Saqqummiunneqarfia:

23 maaji 17:22:00

Tusarniaanermi piffissaliussaq:

17 juni 00:00:00

Tusarniaanermi akissutit uunga nassiuteqquneqarput:

isiin@nanoq.gl