Inunnut innarluutilinnut najugaqarfissatut neqeroorutit pillugit Namminersorlutik Oqartussat nalunaartuissaattut siunnersuummut tusarniaaneq
UPA2019-imi maanna ingerlanneqartumi Inuit innarluutillit
pillugit Inatsisartut inatsisissaattut siunnersuummik Naalakkersuisut
saqqummiussipput.
Inuit innarluutillit tapersersorneqarnissaat pillugu
Inatsisartut inatsisissaattut siunnersuut aalajangersakkanik assigiinngitsunik
imaqarpoq, taakkunani Naalakkersuisut nalunaarusiornissaannik
pisussaaffilerneqarlutik imaluunniit periarfissinneqarlutik.
Taamaattumik Isumaginninnermut Inatsisinillu
Atuutsitsinermut Naalakkersuisoqarfimminngaanniit inuit innarluutillit
tapersersorneqarnissaat pillugu Inatsimmit tunngaveqartumik inatsisip
atuutilernerannit atuutilertussamik inunnut innarluutilinnut najugaqarfissatut
neqeroorutit pillugit nalunaarutissatut siunnersuummik
missingersuusiorsimapput.
Tusarniaanermut uunga atatillugu Isumaginninnermut
Inatsisinillu Atuutsitsinermut Naalakkersuisoqarfik Ilulissani januaarip 29-ani
30-allu isumasioqatigiissitsivoq, tassanilu ilaatigut peqataasut
tassaasimallutik kommunit, Isumaginninnermut Naammagittaalliuuteqartarfik,
Inunnut innarluutilinnut Sullissivik Nunamut Tamarmut Atuuttoq, politiit,
Isumaginninnermut Aqutsisoqarfik assigisaalu, peqataasullu inunnut innarluutilinnut
najugaqarfissatut neqeroorutit pillugit nalunaarutissatut missingiummut
ilassuteqarnissaminnik periarfissaqarsimapput.
Eqqaalaassavarput isumalioqatigiisitsinermi qulaani
taaneqartumi siunnersuutit inuit innarluutillit tapersersorneqarnissaat pillugu
nalunaarutissatut missingiummut nassiunneqartumut ilanngunneqarsimanngimmata,
kisiannilu nalunaarutissatut missingiutip tusarniaassutigineqareernerata
kingorna suliareqqinneqarneranni ilanngunneqassallutik.
Siunnersuutigineqartumut oqaaseqaatit Isumaginninnermut
Inatsisinillu Atuutsitsinermut Naalakkersuisoqarfimmut kingusinnerpaamik ulloq
1.juli. 2019 nassiunneqarsimassapput.
Tusarniaanermit akissutit mailikkut iian@nanoq.gl –imut
allakkatigulluunniit Isumaginninnermut Inatsisinillu Atuutsitsinermut
Naalakkersuisoqarfik, , Postboks 260, 3900 Nuuk-mut nassiunneqarsinnaapput.
Sammisaq:
Inunnik isumaginninneq
Tusarniaanerup suunera:
Nalunaarut
Naalakkersuisoqarfik:
Isumaginninnermut, Ilaqutariinnut Inatsisinillu Atuutsitsinermut Naalakkersuisoqarfik
Saqqummiunneqarfia:
08 apriili 15:46:00
Tusarniaanermi piffissaliussaq:
01 juli 00:00:00
Tusarniaanermi akissutit uunga nassiuteqquneqarput:
iian@nanoq.gl