Naartunermi, erninermi meeravissiartaarnermilu sulinngiffeqartarneq ullormusiaqartarnerlu pillugit Inatsisartut inatsisaata allanngortinneqarneranik Inatsisartut inatsisissaattut nr. xx, xx. xxx 2019-imeersumut siunnersuutip tusarniutigineqarnera

Isumaginninnermut Inatsisinillu Atuutsitsinermut Naalakkersuisoqarfiup matumuuna: Naartunermi, erninermi meeravissiartaarnermilu sulinngiffeqartarneq ullormusiaqartarnerlu pillugit Inatsisartut inatsisaata allanngortinneqarneranik Inatsisartut inatsisaattut nr. xx, xx. xxx 2019-imeersumut siunnersuut pisortatigoortumik tusarniutigalugu nassiuppaa.

 

Tunuliaqutaasut

UKA 2018-imi imm. 106 Inatsisartut akueraat, ”Angajoqqaat sulinngiffeqartarnerat pillugu malittarisassani atuuttut allanngortinnissaannut siunnersuusioqqullugit Naalakkersuisut peqquneqarnissaanik Inatsisartut aalajangiiffigisassaattut siunnersuut, taamaasilluni sulinngiffeqartarneq sapaatip akunnerinik sisamanik sivitsorneqartussanngorlugu.  Allannguut atuutilissaaq ulloq 1. januaari 2020 aallarnerfigalugu.”

 

Uunga siunnersuummut: Naartunermi, erninermi meeravissiartaarnermilu sulinngiffeqartarneq pillugu Inatsisartut inatsisaat nr. xx, xx. xxx 2019-imeersoq piffissami 10. apriilimit 15. maajimut 2019-imi tusarniutigineqarsimasumut Inatsisartut aalajangiinerat ilanngunneqarpoq.

 

Kisianni siunnersuutip matuma: Naartunermi, erninermi meeravissiartaarnermilu sulinngiffeqartarneq pillugu Inatsisartut inatsisaata saqqummiunneqarnissaa UPA 2020-mut kinguartinniarlugu Naalakkersuisut aalajangersimapput.

 

Angajoqqaat sulinngiffeqartarnerat sapaatit akunnerinik sisamanik sivitsorneqarnera pillugu Inatsisartut aalajangiinerat ulloq 1. januaari 2020-mi atuutilissaaq. Taamaattumik angajoqqaat sulinngiffeqartarnerat pillugu malittarisassani maannakkut atuuttut pillugit allannguutissatut siunnersuummik matuminnga Naalakkersuisut suliaqarsimapput. Allannguutissatut siunnersuummi angajoqqaat sulinngiffeqartarnerata sapaatit akunnerinik sisamanik sivitsorneqarnissaa taamaallaat pineqarpoq. 

 

Angajoqqaat sulinngiffeqartarnerisa sapaatit akunnerinik sisamanik sivitsorneqarnissaanut tunngasoq tusarniaassutigineqareermat uunga ilanngullugu: Naartunermi, erninermi meeravissiartaarnermilu sulinngiffeqartarneq pillugu Inatsisartut inatsisaat nr. xx, uu. qqqq 2019-imeersoq, siunnersuut manna piffissami sivikillisami tusarniaassutigineqassaaq.

 

Tusarniaaneq pillugu nalinginnaasut

Siunnersuummut nassiunneqartumut oqaaseqaataasinnaasut Isumaginninnermut Inatsisinillu Atuutsitsinermut Naalakkersuisoqarfimmi kingusinnerpaamik 11. juuni 2019-imi  tiguneqareernissaat qinnutigineqarpoq.   

 

Tusarniaanermut akissutit uunga nassiunneqassapput Isumaginninnermut Inatsisinillu Atuutsitsinermut Naalakkersuisoqarfik mailikkut uunga iian@nanoq.gl imaluunniit allakkatigut uunga Isumaginninnermut Inatsisinillu Atuutsitsinermut Naalakkersuisoqarfik, Postboks 260, 3900 Nuuk

 

Allagaatit attuumassuteqartut

Tusarniaanermut allagaatit attuumassuteqartut ilanngussatut ilanngunneqarput tak. ilanngussanut takussutissiaq.

 

Ilanngussaq:

  1. Siunnersuut uunga: Naartunermi, erninermi meeravissiartaarnermilu sulinngiffeqartarneq ullormusiaqartarnerlu pillugit Inatsisartut inatsisaata allanngortinneqarneranik Inatsisartut inatsisaat nr. xx, xx. xxx 2019-imeersoq
  2. Siunnersuummut nassuiaatit 
  3. Nassiussivigineqartut allattorsimaffiat

Sammisaq:

Inunnik isumaginninneq

Tusarniaanerup suunera:

Inatsisartut inatsisaat

Naalakkersuisoqarfik:

Isumaginninnermut, Inatsisinillu Atuutsitsinermut Naalakkersuisoqarfik

Saqqummiunneqarfia:

28 maaji 16:07:00

Tusarniaanermi piffissaliussaq:

11 juni 00:00:00

Tusarniaanermi akissutit uunga nassiuteqquneqarput:

iian@nanoq.gl