Uunga siunnersuummik tusarniaanermut tunngasoq: Utoqqaat illersuisuat pillugu Inatsisartut inatsisaat nr. xx, xx. xxx 2019-imeersoq.

Inatsisissatut siunnersuutip siunertaraa Utoqqaat illersuisuata suliassaqarfiisa sinaakkuteqartinneqarnissaat, utoqqaat soqutigisaasa inuiaqatigiinni pitsanngorsarnissaat, aammattaarlu utoqqaat inuiaqatigiinni ukkanneqarlutillu paasisitsiniutigineqarnissaasa sulissutiginissaannut. Suliamut tassunga atatillugu Utoqqaat Illersuisuata utoqqaat atugarisaat pillugit ilisimalikkat politikerinut, oqartussaasunut, kattuffinnut innuttaasunullu ingerlateqqissavai.

Utoqqaat Illersuisuata allattoqarfianik Isumaginninnermut Aqutsisoqarfiup isumaginninnissaa siunnersuutigineqarpoq.

Naalakkersuisut utoqqaat pillugit politikkimik suliaqarnerinut atatillugu utoqqaat illersuisoqarfianik pilersitsisoqarnissaa isigineqassaaq. Naalakkersuisooqatigiinnissamik isumaqatigiissut malillugu tassanilu siunertat piviusunngortinniarlugit utoqqarnut suliassaqarfimmi politikkimik ataatsimoortumik suliaqartoqassasoq Naalakkersuisut kissaatigaat, matumani utoqqarnut suliassaqarfimmi unammilligassat tamakkiisumik ersersinneqassallutik.

Maannamut Inatsisartut inatsisaat nr. 11, 22. november 2011-imeersoq naapertorlugu Meeqqat Illersuisuannik, aamma Inatsisartut inatsisaat nr. 1, 29. maj 2017-imeersoq naapertorlugu Innarluutillit Illersuisuannik pilersitsisoqarsimavoq. Illersuisoqarfittut aaqqissuussat taakku Utoqqaat Illersuisoqarfianik pilersitsinissaq pillugu matumani siunnersuummut isumassarsiorfiusimapput.

Siunnersuummut oqaaseqaataasinnaasut Isumaginninnermut Inatsisinillu Atuutsitsinermut Naalakkersuisoqarfimmut nassiunneqassapput ugguuna iian@nanoq.gl, assilineralu uunga Ole Christiansen uani olec@nanoq.gl

Sammisaq:

Inunnik isumaginninneq

Tusarniaanerup suunera:

Inatsisartut inatsisaat

Saqqummiunneqarfia:

08 apriili 16:10:00

Tusarniaanermi piffissaliussaq:

13 maaji 00:00:00

Tusarniaanermi akissutit uunga nassiuteqquneqarput:

iian@nanoq.gl