Siunnersuut uunga: Ulluunerani neqeroorutini sulisut pillugit Naalakkersuisut periusissiaannut iliuusissanillu pilersaarutaannut tapiliussaq oktober 2019-imeersoq

(Suliniuteqarfiit marluk erseqqissarnerat aamma nutaamik ilassuteqaat: Qitiutitaq 6, Suliniuteqarfik 1: Inatsisinik nutarterinissaq)

Ilanngullugu tusarniassutitut nassiunneqarpoq: Siunnersuut uunga: Ulluunerani neqeroorutini sulisut pillugit Naalakkersuisut periusissiaat iliuusissanillu pilersaarutaannut tapiliussaq oktober 2019-imeersoq, Naalakkersuisunut november 2019-ip naalernerani saqqummiunneqalersaartoq.
Malinnaatitani 26. septemberi 2019 ukiumoortumik ataatsimiinnerup kingorna Ulluunerani neqeroorutini sulisut pillugit Naalakkersuisut periusissiaanni iliuusissanillu pilersaarutaanni 2018-imeersumi makkua ilanngunneqarnissaat siunnersuutigineqarpoq:
1. Najugaq qimannagu perorsaasunngorniartarnermut tunngatillugu isummersuutit Qitiutitaq 2, Ilinniartitsineq piginnaanngorsarnerlu, Suliniuteqarfik II: PI/SPS-imik naliliinerup ataanut inissinneqarput – tassuuna qularnaarumallugu pineqartut naliliinermi eqqumaffigineqarnissaat.
2. Uunga oqaasertat: Qitiutitaq 2, Suliniuteqarfissaq III, ”Namminersorlutik Oqartussani kommuninilu pikkorissarnernut, ilinniaqqinnernut ingerlaqqiffiusumillu ilinniarnernut aningaasaliuttakkat pitsaanerusumik paasisaqarfigiumallugit ataqatigiissaareqatigiittussanik pilersitsisoqassaaq, taakkualu ilutigisaanik inunnik suliaqartuusut tamarmik ataqatigiissakkanik imminnullu ataqatigiissunik ilinniartinneqartarnissaat” – ilallugit ataqatigiissaarisut tassaalersinneqarput susassaqarfiit akimorlugit ataqatigiissaarisartussat, suliniutit “inunnut tunngasut” pillugit paasissutisseeqatigiillunilu ataqatigiissaarisarnissaq siunertaralugu.
3. Qitiutitaq 6, Suliniuteqarfissaq I: Inatsisinik nutarterinissaq – nutaatut ilanngunneqarpoq.


Tusarniaanermut atortunut ilanngussat uku ilaapput:
Ilanngussaq 1: Malinnaatitat 26. september 2019
Ilanngussaq 2: Malinnaatitat inassuteqaataat
Ilanngussaq 3: Periusissiap Iliuusissanillu Pilersaarutip piviusunngortikkiartornerata killiffia 30. september 2019.
Ilanngussaq 4: Meeqqanut suli atualinngitsunut tunngasut (Epinion, 2019)

Siunnersuummut oqaaseqaataajunnartut Ilinniartitaanermut Aqutsisoqarfimmeeriissapput kingusinnerpaamik 29. oktober 2019.

Oqaaseqaatit nassiuteqquneqarput Ilinniartitaanermut Aqutsisoqarfiup pisortatigoortumik emailianut: ila@nanoq.gl, imaluunniit Ilinniartitaanermut Aqutsisoqarfiup allakkatigut adressianut: Ilinniartitaanermut Aqutsisoqarfik, Postboks 1610. 3900 Nuuk.

Tusarniaariaaseq:
Ulluunerani neqeroorutini sulisut pillugit Naalakkersuisut periusissiaat iliuusissanillu pilersaarutaat:

Ilinniartitaanermut, Kultureqarnermut Ilageeqarnermullu Naalakkersuisoqarfik
Ilinniartitaanermut Aqutsisoqarfik

Tusarniaanermi akissut uunga nassiunneqassaaq:
ila@nanoq.gl
imaluunniit,
Ilinniartitaanermut Aqutsisoqarfik
Postbox 1610
3900 Nuuk

Sammisaq:

Ilinniartitaaneq

Saqqummiunneqarfia:

08 oktobari 10:26:00

Tusarniaanermi piffissaliussaq:

29 oktobari 00:00:00

Tusarniaanermi akissutit uunga nassiuteqquneqarput:

ila@nanoq.gl