Ilaqutariit paarsisartut pillugit Namminersorlutik Oqartussat nalunaarutaat nr. xx af xx. xxx 2019-imeersoq

Uunga siunnersuutip tusarniutigineqarnera: Ilaqutariit paarsisartut pillugit Namminersorlutik Oqartussat nalunaarutaat nr. xx af xx. xxx 2019-imeersoq

Matumuuna Isumaginninnermut Inatsisinillu Atuutsitsinermut Naalakkersuisoqarfimmit uunga siunnersuut tusarniaassutigalugu nassiunneqarpoq: Ilaqutariit paarsisartut pillugit Namminersorlutik Oqartussat nalunaarutaat nr. xx, xx.xx 2019-imeersoq”

 

Tunuliaqutaasut

Isumaginninnermut Inatsisinillu Atuutsitsinermut Naalakkersuisoqarfiup Ilaqutariit paarsisartut pillugit Namminersorlutik Oqartussat nalunaarusiaat nr. xx, xx.xxx 2019-imeersumut siunnersuut suliaraa.  Ilaqutariit paarsisartut pillugit Namminersorlutik Oqartussat nalunaarutaat nr. 17, 8. novembari 2017-imeersoq taarserlugu nalunaarut atuutilissaaq. Nalunaarutissatut siunnersuummut nalunaarut 2017-imeersoq atuuttoq aallaavigineqarpoq.

 

Nalunaarummi ilaqutariit paarsisartut inuusuttunik suliniuteqareernermi malitseqartitsilluni suliniuteqarfigineqartunik tigusisinnaanerat, kiisalu ilaqutariit qanigisaasut paarsisartut angajoqqaatut akisussaassuseqartumik ilaqutariilluunniit inoqutaannik allanik ulloq unnuarlu najugaqartitsisinnaalernissaat pillugit nalunaarummi tamarmi ersarissaasoqarnera, nalunaarummit maanna atuuttumit allannguutaasut pingaarnersaraat.  Tamatuma saniatigut ilaqutariit paarsisartut paaqqinninnerminnut atatillugu aningaasartuutaannut kommunalbestyrelsip ilassutaasunik tapiissuteqarsinnaanera kiisalu meeqqap inuusuttulluunniit ilaqutarinnit paarsisartunit immikkut ittumik suliniuteqarfigineqarnissamik pisariaqartitsitillugu paaqqinninnersiutisianut kommunalbestyrelsip 700 procent tikillugu qaffaasinnaanera, ilanngunneqarput. 

 

Tusarniaaneq pillugu nalinginnaasut

Siunnersuummut nassiunneqartumut oqaaseqaataajunnartut Isumaginninnermut Inatsisinillu Atuutsitsinermut Naalakkersuisoqarfimmit kingusinnerpaamik ulloq 20. septembari 2019-imi  tiguneqareernissaat qinnutigineqarpoq.   

Tusarniaanermut akissutit Isumaginninnermut Inatsisinillu Atuutsitsinermut Naalakkersuisoqarfimmut nassiunneqassapput, mailikkut uunga iian@nanoq.gl imaluunniit allakkatigut uunga Isumaginninnermut Inatsisinillu Atuutsitsinermut Naalakkersuisoqarfik, Postboks 260, 3900 Nuuk

Sammisaq:

Inunnik isumaginninneq

Tusarniaanerup suunera:

Nalunaarut

Naalakkersuisoqarfik:

Isumaginninnermut, Inatsisinillu Atuutsitsinermut Naalakkersuisoqarfik

Saqqummiunneqarfia:

16 aggusti 14:49:00

Tusarniaanermi piffissaliussaq:

20 septembari 12:00:00

Tusarniaanermi akissutit uunga nassiuteqquneqarput:

iian@nanoq.gl