Avatangiisinut malittarisassat tunngavigalugit aatsitassarsiornermi sulianut tunngasumik periusissiap allakkiarineqarnera 2019-2023

Aatsitassanik Suliassaqarfinnut Avatangiisinut aqutsisoqarfiup Aatsitassarsiornermi avatangiisit pillugit 2019-2023-mut malittarisassanut missingiutip tusarniaassutiginerani peqataagit

Ima peqataasinnaavutit:

- Tusarniaanermut akissuteqaammik naliginnaasumik allakkiamik uunga nassiussigit eamra@nanoq.gl. Tusarniaanermut akissuteqaat ilusaatigut aammalu oqaasertalersorneqarneratigut allannguuteqartinnagu tusarniaavimmut (høringsportal) ikkunneqassaaq. Tamatuma kingorna Avatangiisinut Aqutsisoqarfiup aammalu Ilisimatuussutsikkut siunnersuisartut akissummut oqaaseqaataat tusarniaanermi akissutit saqqummiussat allattorsimaffiannut (Hvidbog) kalaallisut, qallunaatut tuluttullu nalunaarsorneqarlutik ikkunneqassapput.
Imaluuniit
- Oqaluinnarlutit tusarniaanermut akissuteqaatit immiuguk, uungalu eamra@nanoq.gl immiussaq nassiullugu. Tusarniaanermut akissuteqaat immiussaq allannguuteqartinnagu tusarniaanermi akissutit saqqummiussat allattorsimaffianni (hvidbog) ilanngunneqarluni allanneqassaaq. Avatangiisinut Aqutsisoqarfiup aammalu Ilisimatuussutsikkut siunnersuisartut akissummut oqaaseqaataat tusarniaanermi akissutit saqqummiussat allattorsimaffianni (hvidbog) kalaallisut, qallunaatut tuluttullu nalunaarsorneqarlutik ikkunneqassapput.
Tusarniaanermi saqqummiussat pillugit sukumiinerusumik paasisaqarusulluni ataatsimeeqatigiinnissamik kissaateqartoqartillugu Aatsitassanik Suliassaqarfinnut Avatangiisinut Aqutsisoqarfik emailikkut attavigineqassaaq eamra@nanoq.gl

Tusarniaanermi akissutit oqaaseqaatillu qanoq pissappat, aammalu tusarniaanermi akissutit saqqummiussat allattorsimaffianni (hvidbog) sunaava?
- Hvidbog tassaavoq pappiaraq word-ikkut allagaq nalunaarsuiffik, tusarniaanermi akissutit saqqummiussat allattorsimaffiat.
- Tusarniaanermi akissutit tamarmik oqaaseqaatillu pappiaqqamut allanneqassapput.
- Aatsitassanik Suliassaqarfinnut Avatangiisinut Aqutsisoqarfiup hvidbog-imut allassavaa oqaaseqaat qanoq allannguutinik kinguneqarsimanersoq tusaatissatulluunniit tiguneqarsimanersoq.
- Pilersaarutinut tunngatillugu allakkiaq naammassisaq ilanngullugu hvidbog tamanut saqqummiunneqassaaq. Taamaalillutit oqaaseqatinnut tunngasut malinnaavigisinnaavatit.

- Tusarniaanermi akissutit saqqummiussat allattorsimaffianni (hvidbog) inissitsiterinerit ataani assersuutaasut takukkit:

Tusarniummut akissut/oqaaseqaat   Avatangiisinut Aqutsisoqarfiup oqaaseqaataa Ilisimatuussutsikkut siunnersuisartut oqaaseqaataat   Pilersaarummut tunngatillugu allakkiap allannguutaa  
 Assersuut      
 Assersuut      

Hvidbogi aammalu pilersaarummut tunngatillugu allakkiaq naammassisaq sumut atorneqassappat?
- 2019-2023-mi aatsitassarsiornissami avatangiisinut malittarisassiornissaq allaffissornikkut pisussaq pilersaarummut tunngatillugu allakkiaq aqqutigalugu sammivilerneqassaaq.
- Pilersaarutinut tunngatillugu allakkiaq tassaavoq aatsitassarsionermi pilersaarutaasunut tamakkiisunut immikkut ilassut, tassani ilaallutik aatsitassarsiornermi pilersaarut nutaaq aamma uuliamut gassimullu tunngatillugu sektorplan nutaaq.
Suut tusarniutigineqarpat?
- Aatsitassarsiornermi avatangiisit pillugit malittarisassat 2019-2023-mut missingiut (Aatsitassanik Suliassaqarfinnut Avatangiisinut Aqutsisoqarfik)
- Ilanngussaq kakkiussimavoq: “Aatsitassarsiornermi avatangiisit pillugit malittarisassiornissamut ilisimatuussutsikkut siunnersuutit piffissami pilersaarusiorfiusumi 2019-2023 (Aarhus Universitetimi nunap iluani avatangiisinut nukissiuuteqarnermullu ilisimatusarfik aamma Pinngortitaleriffik)”.

Allaatigiuk:

Pilersaarummi tunngavigineqarpoq aatsitassanut inatsimmi pingaarnertut anguniarneqartoq – aatsitassarsiornermi suliat tamarmik avatangiisit eqqarsaatigalugit akisussaassuseqartumik ingerlanneqarnissaat - nunallu tamalaat akornanni periuserineqartut pitsaasut assigalugit ingerlanneqassasut.

Aatsitassarsiornermi avatangiisinut malittarisassat pitsaanerpaat qulakkeerumallugit avatangiisit pinngortitallu qajassuunnissaat aallartittoqannginnerani matoreerneranilu ukkatarineqassapput. Nunat tamalaat akornanni periuserineqartut pitsaasut tunngavigalugit ingerlanneqartassapput, nunatsinni pissutsit naleqqussarfigalugit - avatangiisinut periuseq pitsaanerpaaq teknikkilu pissarsiarineqarsinnaasoq pitsaanerpaaq atorlugit.

Sammisaq:

Aatsitassat

Tusarniaanerup suunera:

Avatangiisinik nalilersuinerit

Naalakkersuisoqarfik:

Pinngortitamut, Avatangiisinullu Naalakkersuisoqarfik

Siunertaq:

Matumuuna Aatsitassanik Suliassaqarfinnut Avatangiisinut Aqutsisoqarfik Naalakkersuisut aatsitassarsiornermi avatangiisit pillugit maleruagassanut 2019-imiit – 2023-imut atuuttussatut pilersaarutaannut tunngatillugu allakkiamut missingiutip tusarniaassutigineqarnissaanik saqqummiussivoq, matumanilu tusarniaanermi akissuteqaatisinissartik qilanaaralugu.

Saqqummiunneqarfia:

19 juni 00:00:00

Tusarniaanermi piffissaliussaq:

19 aggusti 16:00:00

Tusarniaanermi akissutit uunga nassiuteqquneqarput:

eamra@nanoq.gl