Uunga siunnersuummut tusarniaaneq: Nukissamik pilersuineq pillugu Inatsisartut peqqussutaata allanngortinneqarnera pillugu Inatsisartut inatsisaat nr. xx, xx. xxx 2019-imeersoq

Siunnersuummi siunertarineqarpoq Nukissiorfiit ajornerpaamik pisoqassappat pisussaaffilerneqannginnissaat suliffeqarfiup akiliisinnaajunnaarneranik kinguneqarsinnaasumik pisoqannginnissaa qulakkerniarlugu, Kalaallit Nunaanni innaallagissamik aamma kiammik pilersuinerminik ingerlatsiinnarsinnaajumalluni nunatta karsianit ikiorserneqarnissamik pisariaqartitsilerneranik kinguneqarsinnaasumik inissinnginnissaa.

Siunnersuutip kingunerissavaa Nukissiorfiit pilersuisussaatitaanerata akuttunngitsumik isummerfigineqartarnissaa. Tamanna kiffartuussinissamut isumaqatigiissummi aalajangersarneqassaaq, tunngaviatigut Nukissiorfinnik pisussaaffiliisussaanngitsumik ataatsimut ingerlatsinermini annaasaqarsinnaanissaanik, tamatuma kingunerissammagu inuiaqatigiit aningaasarsiorneranni nalikilliliinernik arlaqartunik suliaqartoqartariaqarnissaanik.

Taamaattumik siunnersuummi allassimavoq, sunniuteqarluartumik pilersuinerup attatiinnarnissaanut, ataatsimut isigalugu ingerlatsinermi amigartooruteqarnermik malitseqartumut tunngatillugu, pisussaaffinnik aalajangersaasoqarsimappat, tamanna kiffartuussinermut isumaqatigiissut naapertorlugu akiliinikkut matussuserneqartassasoq. Pisussaaffik pineqartoq akigititanut akinullu Inatsisartut peqqussutaanni kapitali 6 naapertorlugu Naalakkersuisunit akuerineqarsimasunut, sanilliullugu nalilersorneqassaaq.

Tusarniaanerup suunera:

Inatsisartut inatsisaat

Saqqummiunneqarfia:

23 maaji 17:54:00

Tusarniaanermi piffissaliussaq:

27 juni 00:00:00

Tusarniaanermi akissutit uunga nassiuteqquneqarput:

isiin@nanoq.gl