Tamanut ammasumik tusarniaaneq: 2019 – 2023-imut uuliasiornermut periusissiaq

Inuussutissarsiornermut, Nukissiuuteqarnermut Ilisimatusarnermullu Naalakkersuisoqarfiup 2019 – 2023-imut uuliasiornermut gassisiornermullu periusissiamut allaqqaagaq, suliaraa. Periusissiami siunertaavoq, Kalaallit Nunaanni uuliasiorluni misissuineq pillugu suliaqarnerup ingerlaqqinnissaanut killissaliussinissaq.

Kalaallit Nunaata nunarsuarmi piukkunnaatinik misissuiffigineqannginnerpaat annersaasa ilaannik uuliaqarsinnaaneranut piukkunnaatinik peqarsinnaanera ilimanarpoq. Kalaallit Nunaat uuliamik tunisassiortunngussappat, tamanna Kalaallit Nunaannut aamma nunap aningaasaqarneranut annertoorujussuarmik pingaaruteqalersinnaassasoq, qularutissaanngilluinnarpoq. Tamannalu ikummatissiassanut suliassaqarfimmi suliaqarnermi pingaarnertigut siunertaavoq.

Ikummatissiassanut suliassaqarfimmi ingerlatat – misissuineq imaluunniit tunisassiorneq pineqaraluarpata – soorunami malitassat piumasaqaatillu qaffasinnerpaat naammassineqarsimassapput, ilanngullugu isumannaallisaanermut avatangiisinullu tunngatillugu. Kisianni misilittakkat takutippaat tamanna aamma ajornanngitsoq.


Uuliasiornermut gassisionermullu suliassaqarfimmi periusissiaq nutaaq pillugu (2019 – 2023)

Naalakkersuisut piffissamut 2019 – 2023-imut uuliasiornermut gassisiornermullu suliassaqarfimmi periusissiamut nutaamut missingiut suliaraat. Missingiut piffissami 23. maj - 31. august 2019 tusarniaassutigineqarpoq.

Piffissap tusarniaaffiusup ingerlanerani avataaneersunit tusaniaanermut akissuteqaatit makkunanngaaneersut tiguneqarput: Sulisitsisut, Greenland Oil Spill Response, Inuit Circumpolar Council, Kommune Kujalleq, Kommuneqarfik Sermersooq, Nuna advokater, Nunaoil, Transparency International aamma GEUS.

Inuussutissarsiornermut, Nukissiuuteqarnermut Ilisimatusarnermullu Naalakkersuisoqarfiup maannakkut tusarniaanermut akissuteqaatit misissuleruttorpai, tamannalu tunngavigalugu periusissiami allannguutissat ilanngutissallugit, aammalu tamatuma kingorna periusissiaq decembarimi Naalakkersuisunit akuersissuteqarfigineqassasoq naatsorsuutigineqarpoq.

Tamatuma saniatigut tusarniaanermut nalunaarusiaq suliarineqassaaq, tassani tusarniaanermut akissuteqaatit avataaneersut allaaserineqassallutik.

Allaatigiuk:

Sammisaq: Inuussutissarsiorneq

Sammisaq:

Inuussutissarsiorneq

Tusarniaanerup suunera:

Nalunaajaatit-Nalunaarusiat

Siunertaq:

Tusarniaanerup suunera: nassuiaatit-nalunaarusiat

Saqqummiunneqarfia:

23 maaji 18:14:00

Tusarniaanermi piffissaliussaq:

31 aggusti 00:00:00

Tusarniaanermi akissutit uunga nassiuteqquneqarput:

isiin@nanoq.gl