Ilinniartut ineqarfii pillugit Inatsisartut inatsisissaattut siunnersuutip tusarniutigineqarnera

Ilinniartut ineqarfii pillugit Inatsisartut inatsisissaattut siunnersuutip tusarniutigineqarnera ilanngullugu nassiunneqarpoq. Ilinniartut ineqarfii pillugit Namminersornerullutik Oqartussat nalunaarutaanni nr. 18, 1. November 2007-imeersumi susassaqarfimmi malittarisassaareersut taarserneqarnissaat siunnersuummi siunertarineqarpoq.

Siunnersuut naalakkersuisooqatigiinnissamut isumaqatigiissummut ataqatigiissillugu pingaarnertut isigineqassaaq, tassani ilaatigut allassimagami naalakkersuisooqatigiit sulinerminni innuttaasut inuuniarnermikkut atugarisamikkut pitsanngorsaaffiginissaat pingaartinneqassasoq, tamannalu pissutigalugu meeqqat, ilaqutariit meerartallit, utoqqaat, innarluutillit, siusinaartumik pensionisiallit ilinniartullu atugarisaasigut pitsanngorsaaniarluni aaqqissuusseqqinnerit suliarisariaqartut.

Tassunga atatillugu inunnut ataasiakkaanut inuiaqatigiinnullu tamarmiusunut iluaqutaasussamik piginnaasaqalersitsisumik ilinniarnissamut qulakkeerinninniarnermut atatillugu Nunatsinni ilinniartut ineqarfiinut tunngasut aalajangiisuunerannik nassuerutiginninneq aallaavigalugu siunnersuusiortoqarpoq.

Ilinniartut ineqarfiini inissanik pioreersunik naapertuunnerusumik atorluaanissaq anguniarlugu inatsimmut atuuttumut tunngatillugu aaqqiissutinik arlalinnik aammattaaq siunnersuut imaqarpoq.

Siunnersuut pillugu tunuliaqutaasoq, siunertaa imarisaalu siunnersuummut nassuiaatit ilanngunneqartunut innersuussisoqarpoq.

Oqaaseqaatigineqarsinnaasut Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfimmi kingusinnerpaamik ullormi 10. maaji 2019-imi tiguneqareersimassasut qinnutigineqarpoq. Oqaaseqaatit Naalakkersuisoqarfiup pisortatigoortumik mail-adresseanut uunga nassiuteqquneqarput: ikiin@nanoq.gl imaluunniit Naalakkersuisoqarfiup pisortatigoortumik najugaqarfianut:

Ilinniartitaanermut, Kultureqarnermut, Ilageeqarnermullu Naalakkersuisoqarfik, Postbox 1029, 3900 Nuuk.

Sammisaq:

Ilinniartitaanermut Ilisimatusarnermullu

Tusarniaanerup suunera:

Inatsisartut inatsisaat

Naalakkersuisoqarfik:

Ilinniartitaanermut, Kultureqarnermut Ilageeqarnermullu Naalakkersuisoqarfik

Saqqummiunneqarfia:

08 apriili 11:03:00

Tusarniaanermi piffissaliussaq:

10 maaji 00:00:00

Tusarniaanermi akissutit uunga nassiuteqquneqarput:

ikiin@nanoq.gl