Tusarniaassutigineqartoq: Akiliisarfik Ilanngaassivik pillugu Inatsisartut inatsisissaattut siunnersuut

Aningaasaqarnermut Naalakkersuisoqarfiup matumuuna siunnersuut matuma siuliani taaneqartoq tusarniaassutigalugu nassiuppaa.

Tusarniaanermut akissuteqaammik nassiussinissamut piffissamut killiliussaq: 4. juni 2019.

Siunnersuummut oqaaseqaatissaqaraanni taakkua e-mail-ikkut nassiuteqquneqarput uunga: oed@nanoq.gl assilinera uunga pnil@nanoq.gl

Siunnersuutip imarisai pingaarnerit
Siunnersuut 2017-imi tusarniaassutigalugu nassiunneqartoq, siunnersuummi aallaavigineqarpoq. Siunnersuut arlalitsigut allanngortinneqarpoq.

  • Aningaasarsianit isertitat il.il. Ilanngaassivik aqqutigalugu tunniunneqartassapput.
  • Pisortat akiligassiissutaannut akiliinernut sullissivimmik taagorneqartumik Ilanngaassivik, pilersitsisoqassaaq.
  • Akiliinernut sullissivik inunnut pisortanut akilinngitsuukkanik akiitsoqartunut imaluunniit akilinngitsuukkanik akiitsoqarnerminni arlalinnik suliassaqarfigineqarsimasunut atorneqartussaatitaavoq.
  • Innuttaasunut akiliisarfimmi ilaatinneqartunut tunngatillugu, pisortanit akiligassiissutit ataasiakkaat isertitatut tigusassaannit akilerneqartassapput.
  • Innuttaasoq aningaasanit atorsinnaasanit inatsimmi aalajangersagaasunit minnerusumik tigusaqartussanngorneranik tamanna malitseqassappat, akiligassat akilersinneqarsinnaanngillat.
  • Ilanngaassivik akileraartarnermut ingerlatsivimmit allaffissornikkut aqunneqassaaq

Tusarniaanerup suunera:

Inatsisartut inatsisaat

Naalakkersuisoqarfik:

Aningaasaqarnermut Naalakkersuisoqarfik

Saqqummiunneqarfia:

01 maaji 09:41:00

Tusarniaanermi piffissaliussaq:

04 juni 00:00:00

Tusarniaanermi akissutit uunga nassiuteqquneqarput:

oed@nanoq.gl assilinera uunga pnil@nanoq.gl