Immiaaqqat imeruersaatillu kulsyrimik akullit puui pillugit nalunaarusiap tusarniaassutigineqarnera

Inatsisartut UPA2019-imi aalajangiipput, ” immiaaqqat aalakoornartortaqanngitsut poortuutissanut nalunaarummut (immiaaqqat imeruersaatillu kulsyrimik akullit puui pillugit Namminersornerullutik Oqartussat nalunaarutaat nr. 16, 28. maj 2002-meersoq) ilaatitsinnginnissamut, taamaalilluni immiaaqqat tikisinneqarsinnaalernissaannut tuniniarneqarsinnaalernissaannullu Naalakkersuisut peqquneqassasut” (UPA2019/58).

 

Tamanna tunngavigalugu Pinngortitamut Avatangiisinullu Naalakkersuisoqarfiup poortuutissanut nalunaarut atuuttoq, immiaaqqat imeruersaatillu kulsyrimik akullit puui pillugit Namminersornerullutik Oqartussat nalunaarutaat nr. 16, 28. maj 2002-meersoq, iluarsaappaa, taamaalillunilu Inatsisartut aalajangiinerat matuma siulianiittoq ilanngunneqarluni.

 

Nalunaarummut siusinnerusukkut atuuttumut naleqqiullugu qitiusumik allannguutit uku suliarineqarput:

 

  • Nalunaarutip atuutilerneratigut immiaaqqat aalakoornartortaqanngitsut nalunaarummut ilanngussami akuerisami poortuutissanit allaanerusunik pooqartillugit tikisinneqarsinnaalissapput.

  • Immiaaqqat aalakoornartortaqanngitsut immiaaqqatut literimut ethanol-imik 0,5 procentimik annikinnerusumilluunniit akulittut nassuiarneqarput.

  • Immiaaqqanut imeruersaatinullu kulsyritalinnut, nalunaarummut ilaatinneqartunut nassuiaat ilanngunneqarput.

  • Tunisassiortup tikisitsisartulluunniit immiaaqqanik imeruersaatinilluunniit poortuutissanik, nalunaarummut ilanngussami nassuiaatinik naammassinniffiunngitsunik puulinnik ikinnerusunik tuniniaasinnaanissaanut Naalakkersuisut akuersissuteqarsinnaanerat pillugu aalajangersagaq ilanngunenqarpoq.

     

    Nalunaarut atuuteersoq kiisalu nalunaarusiassamut missingiut aammalu missingiutip tusarniaassutigineqarneranut allakkiaq ilanngunneqarput:

     

  • Immiaaqqat imeruersaatillu kulsyrimik akullit puui pillugit Namminersornerullutik Oqartussat nalunaarutissaannut siunnersuut

  • Tusarniaanermi allakkiaq

  • Immiaaqqat imeruersaatillu kulsyrimik akullit puui pillugit Namminersornerullutik Oqartussat nalunaarutaat nr. 16, 28. maj 2002-meersoq.

 

Tusarniaanermi allakkiaq aamma poortuutissanut nalunaarummut ilanngussat poortuutissanut nalunaarummut ilanngunneqanngillat, kisiannili ilisimatitsissutitut ilanngunneqarlutik.

 

Tusarniaanermi allakkiamut akissutit piaartumik aammalu kingusinnerpaamik septembarip 11-iat 2019-imi tiguneqarsimassapput.

Piffissap akissuteqarfiusup naannginnerani Pinngortitamut Avatangiisinullu Naalakkersuisoqarfik oqaaseqaatinik tigusisimanngippat, nassiunneqartumut oqaaseqaatissaqartoqarsimassanngitsoq ilimagineqassaaq.

Sammisaq:

Avatangiisit

Tusarniaanerup suunera:

Nalunaarut

Naalakkersuisoqarfik:

Pinngortitamut, Avatangiisinullu Naalakkersuisoqarfik

Saqqummiunneqarfia:

31 juli 13:10:00

Tusarniaanermi piffissaliussaq:

11 septembari 12:00:00

Tusarniaanermi akissutit uunga nassiuteqquneqarput:

pan@nanoq.gl