Biskoppimik qinersineq pillugu Namminersorlutik Oqartussani nalunaarutissatut siunneersuutip tusarniutigineqarnera pillugu

Biskoppimik qinersineq pillugu Namminersorlutik Oqartussani Nalunaarutissatut siunnersuutip tusarniutigineqarnera Ilanngullugu nassiunneqarpoq.

Siunnersuut saqqummiunneqarpoq nalunaarut atuuttoq, tassa Biskoppimik qinersineq pillugu Namminersornerullutik Oqartussat nalunaarutaat nr. 5, 16. februar 1995-imeersoq, nutarterniarlugu. Nalunaarut qaqeqqinneqarpoq 2020-imi biskoppimik qinersisoqartussaammat. Taassuma saniatigut nalunaarummi taaguutit atorneqartut ullutsinni atortakkatsinnut naapertuukkunnaarsimapput, kiisalu nalunaarummi piffissaq malillugu tulleriiaarisoqarsinnaanerulersitsisumik allanngortiterisoqarpoq.

Siunnersuummi nalunaarummut atuuttumut sanilliullugu allannguut annertooq tassaavoq Ilagiit allaffiat qinersinermut ataatsimiititaliamut allatseqarfiulernissaa, taanna Ilageeqarnermut Naalakkersuisoqarfimmiissimagaluarpoq. Tamanna Ilageeqarneq pillugu Inatsisartut inatsisaat naapertorlugu Ilageeqarnerup allaffissornertaa biskoppeqarfiup allaffianit suliarineqarneranut atatillugu isigineqassaaq. Taassuma saniatigut suliassarpaaluit allatseqarfimmut suliassaritinneqarput, soorlu qinigassanngortittut allattorsimaffiliorneq qinersisinnaatitaasullu allattorsimaffiliarinissaat. Taamaakkaluartoq qinersinermut ataatsimiititaliaq qinersisoqartillugu suli ingerlatsisuussaaq akisussaasuussallunilu. Taamaammat qinigassanngortittut allattorsimaffiat qinersisinnaatitaasullu allattorsimaffilat qinersinermut ataatsimiititaliamit akuerineqassapput.

Taakku saniisigut qinigassanngortissinnaatitaasut pillugit aalajangersakkat allanngortinneqarput. Ilageeqarneq pillugu Inatsisartut inatsisaanni Kalaallit Nunaanni ilagiinni palasinngorsinnaanermut piumasaqaatinut naapertuuttunngorlugit allanngortinneqarput, qinigassanngortikkumasullu kalaallit oqaasiinik ilisimasaqarnissaa ilanngunneqarluni.

Oqaaseqaatigineqarsinnaasut Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfimmi kingusinnerpaamik ulloq 3. september 2019 tiguneqareersimassasut qinnutigineqarpoq. Oqaaseqaatit Naalakkersuisoqarfiup pisortatigoortumik mail-adresseanut uunga nassiuteqquneqarput:

ikin@nanoq.gl

imaluunniit Naalakkersuisoqarfiup pisortatigoortumik najugaqarfianut:

Postboks 1029
3900 Nuuk
Oqarasuaat: : +299 34 50 00
Email: ikin@nanoq.gl
www.nanoq.gl
Ilinniartitaanermut, Kultureqarnermut, Ilageeqarnermullu Naalakkersuisoqarfik, Postbox 1029, 3900 Nuuk.

Med venlig hilsen
Inussiarnersumik inuulluaqqusillunga

Helle Mellemgaard Sørensen
Inatsisileritooq, IKIN

Tusarniaanerup suunera:

Nalunaarut

Naalakkersuisoqarfik:

Ilinniartitaanermut, Kultureqarnermut Ilageeqarnermullu Naalakkersuisoqarfik

Saqqummiunneqarfia:

02 aggusti 00:00:00

Tusarniaanermi piffissaliussaq:

03 septembari 00:00:00

Tusarniaanermi akissutit uunga nassiuteqquneqarput:

ikin@nanoq.gl