Missingiummik tamanut ammasumik tusarniaaneq: Naalakkersuisut piginnittuunermut politikkiannik 2019-imi nutarterineq kiisalu eqikkaalluni tigulaarineq

Naalakkersuisut piginnittuunermut politikkiannik 2019-imi missingiummut tamanut ammasumik tusarniaanermik Naalakkersuisut Siulittaasuata Naalakkersuisoqarfia matumuuna saqqummiussivoq.

Tunuliaqutaasoq
Namminersorlutik Oqartussat aktiaateqarluni ingerlatseqatigiiffiisa Kalaallini inuiaqatigiinni suliassat pingaarutillit arlallit ullumikkut isumagisaraat, matumani ilanngullugit nuna tamakkerlugu nioqqutissanik assigiinngitsunik pilersuineq, kiffartuussinernik aamma attaveqaasersuutitigut ikiuunnerit, ingerlatseqatigiiffinnik taakkuninnga peqataalluarluni piginnittuunissaq pisariaqarpoq.

2012-imiilli Namminersorlutik Oqartussat piginnittuunermimmi suliarinninnerat piginnittuunermut politikkiat allakkanik marlunnik aallaaveqarpoq Namminersorlutik oqartussanit tamakkiisumik ilaannakuusumilluunniit pigineqartuni ingerlatseqatigiiffinnik piginnittuunermut pissutsit ineriartornerlu pillugit nassuiaat aamma Namminersorlutik oqartussat pigisaanni aktiaateqarluni ingerlatseqatigiiffinni ingerlatsiveqatigiiffinnik aqutsilluarnissamut najoqqutassiat. Allakkat innersuussutaasa tunngavigisaasalu annersaat suli ullumikkumut naleqqupput. Kisianni nutarterinissaq kiisalu nassuiaammik najoqqutassianillu eqikkaalluni tigulaarinermit ataatsimut saqqummersitsinissaq pissutsit arlallit tunngavissaqartippaat.

Siunertarineqartoq
Naalakkersuisut piginnittuunermut politikkiannik iluarsaassaq imaattunik pingaarnernik marlunnik siunertaqarpoq. Siullermik Naalakkersuisut piginnittuunermik suliarinninnerannut tunngaviusut piginnittuunermut politikkip ilusilersussavaa erseqqissassallugulu. Tulliullugu suliassarivaa, Naalakkersuisut ingerlateqatigiiffinnut ilimagisaat innersuussutaallu erseqqissaavigissallugit nutartissallugillu, taamaalilluni piffissaq ungasinnerusoq qaninnerusorlu isigalugit ingerlatseqatigiiffiit nalilinnik pinngortitsinermut ineriartornerat tapersersorsinnaassavaa.

Tamanna aallaavigalugu piginnittuunermut politikki aalajangersimasunik innersuussutit, tunngaviusut aamma piginnittuunermut ingerlatsinermut ingerlatseqatigiiffiillu pissusilersornerannut Naalakkersuisunit naatsorsuutigineqartut kakkiunneqarput.

Tusarniaaneq pillugu nalinginnaasut
Siunnersuummut nassiunneqartumut tusarniaanermut akissut qinnutigineqarpoq kingusinnerpaamik ulloq 3, decembari 2019-imi Naalakkersuisut Siulittaasuata Naalakkersuisoqarfianit pissarsiarineqariissasoq.

Tusarniaanermut akissut Naalakkersuisut Siulittaasuata Naalakkersuisoqarfianut e-mailikkut anbs@nanog.gl –mut nassiunneqassaaq.

Naalakkersuisut 2019-imi piginnittuunermut politikkissaannut missingiut pillugu apeqqutit uunga Ann Storm, e-mail anbs@nanoq.gl imaluunniit oqar.: +299 34 51 63 saaffiginnissutigineqarsinnaapput.

Tusarniaanerup suunera:

Nalunaajaatit-Nalunaarusiat

Naalakkersuisoqarfik:

Naalakkersuisut Siulittaasuata Naalakkersuisoqarfia

Saqqummiunneqarfia:

29 oktobari 13:04:00

Tusarniaanermi piffissaliussaq:

03 decembari 00:00:00

Tusarniaanermi akissutit uunga nassiuteqquneqarput:

anbs@nanoq.gl