Inissianik aningaasalersuisarneq pillugu Inatsisartut inatsisaata allanngortinneqarnera pillugu Inatsisartut inatsisissaannut siunnersuutip tusarniaassutigineqarnera

Pineqartoq: Inissianik aningaasalersuisarneq pillugu Inatsisartut inatsisaata allanngortinneqarnera pillugu Inatsisartut inatsisissaannut siunnersuutip (Inissialiortiternermut tapiissutitalimmik illulianik iluarsaassinermut, pitsanngorsaanermut alliliinermullu taarsigassarsititsisarneq tapiissuteqartarnerlu) tusarniaassutigineqarnera

Matumuuna inissianik aningaasalersuisarneq pillugu Inatsisartut inatsisaata allanngortinneqarnera pillugu Inatsisartut inatsisissaannut siunnersuut (Inissialiortiternermut tapiissutitalimmik illulianik iluarsaassinermut, pitsanngorsaanermut alliliinermullu taarsigassarsititsisarneq tapiissuteqartarnerlu) tamanut ammasumik tusarniaassutigineqarpoq.

Siunnersuut inissianut tapersiissutitalimmik taarsigassarsititsisarneq pillugu Inatsisartut inatsisissaattut siunnersuummut atasutut isigineqassaaq.

Inissianut tapersiissutitalimmik taarsigassarsititsisarneq pillugu Inatsisartut inatsisissaattut siunnersuuteqarnermi Namminersorlutik Oqartussat inissianut tapersiissutitalimmik taarsigassarsiaqarfiusunik, aamma inissianut maanna piginnittuusut taarsigassarsisoralugit inissianut tapersiissutitalimmik taarsigassarsiaqarfiusunik iluarsaassinissamut alliliinissamut pitsanngorsaanermullu (iluarsaassinermut tapiissutit) tapiissuteqartarnermut inatsisitigut tunngavissat peerneqassapput. Inissianik aningaasalersuisarnermut Inatsisartut inatsisaata allanngortinneqarnissaanik siunnersuut manna aqqutigalugu suliassaq inatsisitigullu tunngaviusut kommuninut nuunneqassapput.

Siunnersuummut tunngaviusup, tassani siunertaasup imaatalu sukumiisumik allaaserineqarneranut siunnersuummut nassuiaat ilanngullugu nassiunneqartoq innersuussutigineqarpoq.

Oqaaseqaataasinnaasut Ineqarnermut Attaveqaqatigiinnermullu Naalakkersuisoqarfimmit kingusinerpaamik tallimanngornermi31. maj 2019-imi tiguneqarsimasussanngorlugit nassiuteqquneqarput.

Oqaaseqaatit Naalakkersuisoqarfiup mailadressea box909@nanoq.gl aqqutigalugu nassiuteqquneqarput, imaluunniit uunga:

Ineqarnermut Attaveqaqatigiinnermullu Naalakkersuisoqarfik
Postboks 909
3900 Nuuk

Sammisaq:

Ineqarneq

Tusarniaanerup suunera:

Inatsisartut inatsisaat

Naalakkersuisoqarfik:

Ineqarnermut Attaveqaqatigiinnermullu Naalakkersuisoqarfik

Saqqummiunneqarfia:

08 maaji 09:50:00

Tusarniaanermi piffissaliussaq:

31 maaji 00:00:00

Tusarniaanermi akissutit uunga nassiuteqquneqarput:

box909@nanoq.gl