Kalaallit nunaanni aalisariutit inuttaqarneri pillugit Namminersor-lutik Oqartussat nalunaarutissaattut siunnersuut pillugu tusarniaaneq

Kalaallit Nunaanni aalisariutit inuttaqarneri pillugit Namminersorlutik Oqartussat nalunaarutissaannut missingiut matumuuna tusarniaassutigalugu nassiunneqarpoq.

Allannguutissatut siunnersuutit marluupput:

Allannguutissatut siunnersuut siulleq tassaavoq officer-it nunatsinni najugaqartut 60 %-imiit 90-%-imut qaffanneqarnissaa. Allannguutissa-tut siunnersuut taanna ukiut tallimat qaangiuppata atuutilissaaq.

Allannguutissatut siunnersuutip aappaat tassaavoq § 4, imm. 2-mi malittarisassanik § 2, imm. 1, nr. 1 aamma 2 aamma § 3, imm. 1, nr. 1 aamma 2-mi immikkut atuutsinneqannginnissaannik oqaasertaasa allanngortinneri.

Immikkut akuersissuteqarnissamut tunngatillugu assigiinngitsunik pissuteqarluni (ilinniarneq il.il) pingaartumik kalaallinut inuusuttunut Danmarkimi imaluunniit Kalaallit Nunaata avataani nunani allani najugaqarsimasunut itigartitsisoqartarnera allannguummut tunngaviuvoq. Pingaartumik kalaallit inuusuttut ilinniariartorlutik aallartartut eqqarsaatigalugit malittarisassat maannakkut atuuttut arlalissuartigut sukangavallaarput.

Malittarisassat maannakkut atuuttut malillugit inuk qaammatini 14-init sivisunerusumik Kalaallit Nunaata avataani najugaqarsimasoq Kalaallit Nunaanni inuit nalunaarsorsimaffianni qaammatisiutit ukiuini kingullerni marlunni nalunaarsorsimanngikkuni aammalu qaammatisiutit ukiuini kingullerni marlunni Kalaallit Nunaannut tamakkiisumik akileraartarsimanngikkuni kalaallit aalisariutaanni inuttaasinnaanngilaq.
Kalaallit Nunaanni nunanilu allani nuuttarneq eqqarsaatigalugu inuup Kalaallit Nunaanni nalunaarneraniit ukiunik qulinik kingumut qiviartoqartalerneratigut piaartumik inuttanngornissamut tunngatillugu immikkut akuerineqarnissamut itigartitsinerit atorunnaarsinneqartassapput taamaalillutillu inunnut pineqartunut inuiaqatigiinnullu iluaqutaasussanngussallutik.

Sammisaq:

Aalisarneq

Tusarniaanerup suunera:

Nalunaarut

Naalakkersuisoqarfik:

Aalisarnermut Piniarnermut Nunalerinermullu Naalakkersuisoqarfik

Saqqummiunneqarfia:

23 oktobari 15:14:00

Tusarniaanermi piffissaliussaq:

22 novembari 12:00:00

Tusarniaanermi akissutit uunga nassiuteqquneqarput:

apnn@nanoq.gl