Uunga siunnersuut: Utoqqalinersiaqarneq pillugu Inatsisartut inatsisaata allanngortinnissaa pillugu Inatsisartut inatsisaat nr. xx, xx. xxx 2019-imeersoq

Isumaginninnermut Inatsisinillu Atuutsitsinermut Naalakkersuisoqarfik matumuuna uunga siunnersuummut tusarniaassummik nassiussivoq: Utoqqalinersiaqarneq pillugu Inatsisartut inatsisaata allanngortinnissaa pillugu Inatsisartut inatsisaat nr .xx xxx 2019-imeersoq.

Siunnersuummi utoqqalinersianut ilanngaatip 100.000 koruuninik annertusineqarnissaa kiisalu appariartortitsinermi procentip annikillisinneqarnissaa siunertaavoq. Tamatuma kinguneratut, Nunat Avannarliit Inunnut Isumaginninnikkut isumannaallisaaneq pillugu isumaqatigiissutaat naapertorlugu siusinaartumik pensionisiat utoqqalinersiallu aamma pensionisiat ilanngunnagit, kisermaaq 156.000 koruuninik, aappaqartorlu 183.000 koruuninik ukiumut isertitaqaraangat utoqqalinersiat aatsaat appariartortinneqassapput.

Tunngavik
Utoqqalinersiaqarneq pillugu inatsit ulloq 1. januar 2016 atuutilerpoq. Inatsimmi ilaatigut anguniagaavoq suliniutinik ilassuteqartoqassasoq, makkuninnga: Suliffeqarnermit pensionisiassanik (suliffeqarfimmit sulisumillu akilerneqartartunik) pitsanngorsaatinik kajumissisitsinissamut suliniutit, pensionisiaqalernissamut aaqqissuussinerit nammineq akilersukkat aamma pensionisiaqalereernermi suliffeqarfinnut suli attaveqarnissamut kajumissaarineq.

Utoqqalinersiallit suliffeqarfimmiiginnarnissaannut aningaasatigut kajumissaarut qulakkeerniarlugu, siunnersuutikkut ilanngaat annertusineqarpoq, taamaasillunilu
saniatigooralugu isertitat qaffakkiartornerat ilutigalugu pensioninut tapit aamma tunngaviusumik pensionisiat annikillisikkiartornerat qaqugu allartissanersoq aamma qaqugu unissanersoq pillugu killigititaq nikisillugu. Utoqqalinersiallip taamaasilluni utoqqalinersiami ilaa annertunerusoq saniatigooralugu isertitaqaraluarluni pigiinnarsinaavaa.

Tusarniaaneq pillugu
Siunnersuummut oqaaseqaataasinnaasut Isumaginninnermut Inatsisinillu Atuutsitsinermut Naalakkersuisoqarfimmut nassiunneqassapput ugguuna iian@nanoq gl

Tusarniaanermut akissuteqarnissamut piffissaliunneqarpoq, kingusinnerpaamik 15. maaji 2019

Allagaatit attuumassuteqartut
Tusarniaanermut allagaatit attuumassuteqartut ilanngussatut ilanngunneqarput tak. ilanngussanut takussutissiaq.

Ilanngussaq:
1. Uunga siunnersuut: Utoqqalinersiaqarneq pillugu Inatsisartut inatsisaata allanngortinnissaa pillugu Inatsisartut inatsisaat nr .xx xxx 2019-imeersoq.
2. Siunnersuummut nassuiaatit


Inussiarnersumik inuulluaqqusillunga

Isumaginninnermut Inatsisinillu Atuutsitsinermut Naalakkersuisoqarfik

Sammisaq:

Inunnik isumaginninneq

Tusarniaanerup suunera:

Inatsisartut inatsisaat

Naalakkersuisoqarfik:

Isumaginninnermut, Inatsisinillu Atuutsitsinermut Naalakkersuisoqarfik

Saqqummiunneqarfia:

17 apriili 15:13:00

Tusarniaanermi piffissaliussaq:

15 maaji 00:00:00

Tusarniaanermi akissutit uunga nassiuteqquneqarput:

iian@nanoq.gl