Sinerissap qanittuani qaleralinniarneq pillugu Namminersorlutik Oqartussat nalunaarutissaatut siunnersuutip tusarniutigineqarnera

Una Nalunaarutissatut siunnersuut Aalisarneq Pillugu Siunnersuisoqatigiinni tusarniutigineqarnikuuvoq 11. november 2018-miit 18. december 2018-imut. Tusarniaanermut nittartakkamut ikkunneqarpoq tamanut ilisimatitsissutaannartut.

Sinerissap qanittuani qaleralinniarneq pillugu Namminersorlutik Oqartussat nalunaarutissaatut missingiut matumuuna tusarniutigalugu nassiunneqarpoq.

 

Siunnersuut aqutsiveqarfiit amerlassusaasa nassuiarnerisalu atortutigut allanngortinnerinik kiisalu Kalaallit Nunaata avannaani aalisarfiit pisassanik killilersuiffiuinngitsut atorunnaarsinnissaanik imaqarpoq.

Tamatuma saniatigut oqaatsit arlanni atorneqartut erseqqissaaffigineqarput.

§§ 2-mi aamma 6-imi pingaarnerusumik allanngortitsisoqarpoq, tamatumalu kingunerisaanik paragraf-it normui allanngorput paragraffillu 13-iinanngorlutik.

§ 2-mi aqutsiveqarfiit ataatsimik ilaneqarput Nuup Kangerlua aammalu Ameralik nr. 4-tut

Kalaallit Nunaatalu sinnera massakkut nr. 5-iulerluni.

Aalisarfiit pisassanik killilersuiffiuinngitsut massakkut nalunaarummi § 6-imi allassimasut atorunnaarput tamatumalu kingunerisaanik paragraf-it tullinnguuttut normui allanngorput.

 

Siunnersuummut oqaaseqaataajunnartut Aalisarnermut, Piniarnermut Nunalerinermullu Naalakkersuisoqarfimmit kingusinnerpaamik ...... 2018 nal. 12.00 tiguneqareersimassapput.

 

Oqaaseqaatit mailikkut uunga nassiunneqassapput APNN@nanoq.gl assilineralu uunga @nanoq.gl.

Sammisaq:

Aalisarneq

Tusarniaanerup suunera:

Nalunaarut

Naalakkersuisoqarfik:

Aalisarnermut Piniarnermut Nunalerinermullu Naalakkersuisoqarfik

Saqqummiunneqarfia:

11 novembari 00:00:00

Tusarniaanermi piffissaliussaq:

18 decembari 00:00:00