Tusarniaaneq: Kalaallit Nunaanni eqqartuussisarnermut inatsisip allanngortinneqarnissaa pillugu inatsisissatut siunnersuummut missingiut (Pinerluttulerinermi suliani nassuiaatinik uteqqiineq, timimik misissuisarnermut malittarisassat nutarterneri, Kalaallit Nunaanni Eqqartuussivimmi atorfimmik amerlassusiliineq il.il.)

Kalaallit Nunaanni eqqartuussisarnermut inatsisip allanngortinneqarnissaa pillugu inatsisissatut siunnersuut pillugu tusarniaaviginninneq ilanngussatut nassiunneqarpoq. Naalakkersuisoqarfiup inatsisissatut siunnersuut Justitsministeriaqarfimmit aatsaat ulloq 18. decembari 2018-imi tiguaa, taamaattumik tusarniaanermut piffissarititaq sivikillineqarpoq, taamaaliornikkut Inatsisartut upernaakkut 2019-imi ataatsimiinneranni siunnersuutip saqqummiunneqarnissaa angumerineqarsinnaaniassammat.

Inatsisissatut siunnersuummi allannguutissani sinnersuummi pingaarnertut imarineqartut tassaapput:
  • Pinerluttulerinermi suliani nassuiaatinik uteqqiineq
  • Timimik misissuisarnermut malittarisassat nutarterneri
  • Kalaallit Nunaanni Eqqartuussivimmi atorfimmik amerlassusiliineq eqqartuussisuugallartussamillu ivertitsineq
  • Siunnersuisoqatigiit aalajangiisartullu katitigaanerat

Siunnersuummut oqaaseqaataasinnaasut Justitsministeriaqarfimmeeriissapput kingusinnerpaamik:

Ulloq januarip 14-ani 2019, nal. 9.00.

Qinnutigineqarpoq oqaaseqaataasinnaasut mailikkut uunga nassiuteqqullugit:

nordatlanten@jm.dk, kiisalu iian@nanoq.gl

Inussiarnersumik inuulluaqqusilluta

Med venlig hilsen

Departementet for Sociale Anliggender og Justitsområdet

Sammisaq:

Inunnik isumaginninneq

Saqqummiunneqarfia:

21 decembari 12:00:00

Tusarniaanermi piffissaliussaq:

14 januari 09:00:00

Tusarniaanermi akissutit uunga nassiuteqquneqarput:

nordatlanten@jm.dk