Uunga siunnersuut pillugu tusarniaaneq: Tarnikkut nappaatilinnik kiffaanngissusiiaasarneq allatigullu pinngitsaaliissummik iliuuseqartarneq pillugu Inatsisartut Inatsisartut inatsisaat

Matumuuna uunga siunnersuut nassiunneqarpoq: Tarnikkut nappaatilinnik kiffaanngissusiiaasarneq allatigullu pinngitsaaliissummik iliuuseqartarneq pillugu Inatsisartut Inatsisartut inatsisaat nr. xx, xx. xxx 2019-imeersoq. Naatsorsuutigineqarpoq siunnersuut UPA2019-imi saqqummiunneqassasoq.

Siunnersuummi tarnikkut nappaatillit pillugit inatsimmi atuuttumi najoqqutarineqartut atuinnarneqarput, arlalitsigulli annertuunik allannguuteqarluni. Inatsimmi pingaarnerut siunertarineqarpoq tarnikkut nappaatilinnut immikkoortortaqarfimmi nakorsaanerup peqannginnerani assigiinngitsutigut pinngitsaaliissummik iliuuseqarnissamut, assersuutigalugu pinngitsaaliissummik unitsitsinissamut aamma pinngitsaaliissummik nikitsaaliuilluni aalajangiinissamut, tunngatillugu allat aalajangiisinnaanerannut tunngavissiuinissaq.

Siunnersuummi immikkoortut pingaarnerit tassaapput:

• Nakorsaanerup peqannginnerani tarnikkut nappaatilinnut immikkoortortami nakorsap allap ilaatigut pinngitsaaliissummik unitsitsisoqarnissaanik aalajangiisinnaanissaanut tunngavissiornissaq, tamanna nakorsaanermit piaarnerpaamik aalajangiinermillu 24 tiimit qaangiutsinnagit isummerfigineqarsinnaappat

• Pinngitsaaliissummik nakorsaatitortitsinermut tunngatillugu nakorsaatinut piumasaqaatinik allannguineq, taamaalilluni pinngitsaaliissummik nakorsaatitortitsinermi nakorsaatit annikinnerpaanik annertuunik kingunerluutitallit atorneqartalerniassammata

• Inatsisip imarisaanik paasiuminarsaaneq erseqqissaanerlu siunertarlugit oqaatsitigut aaqqiinerit naleqqussaanerillu.

Aamma pilersaarutaavoq § 23, imm. 2 immikkoortilernissaa § 24-mut, aamma § 39 pilersaarutaavoq nutaatut § 4-nngortinneqarnissaa, kiisalu tassunga attuumassutillit allannguuteqarfigalugit.

Siunnersuummut oqaaseqaataasinnaasut Peqqissutsimut Ilisimatusarnermullu Naalakkersuisoqarfimmut tunniunneqassapput kingusinnerpaamik:

Ulloq 2. november 2018, nal. 16.00

Oqaaseqaataasinnaasut mailikkut uunga nassiuteqquneqarput:

PIN@nanoq.gl, kiisalu Anne Zacho Grønhøj-imut azgr@nanoq.gl.

Tamatuma saniatigut siunnersuut tusarniaavikkut pissarsiarineqarsinnaavoq agguuna www.naalakkersuisut.gl.

Inussiarnersumik inuulluaqqusillunga

Anne Zacho Grønhøj (Peqqissutsimut Ilisimatusarnermullu Naalakkersuisoqarfik)

Sammisaq:

Peqqinnissaq

Tusarniaanerup suunera:

Inatsisartut inatsisaat

Saqqummiunneqarfia:

02 oktobari 11:57:00

Tusarniaanermi piffissaliussaq:

02 novembari 16:00:00

Tusarniaanermi akissutit uunga nassiuteqquneqarput:

azgr@nanoq.gl