Nannunut aqutsinissamut pilersaarummut missingiut pillugu tusarniaaneq

Matumuuna Aalisarnermut, Piniarnermut Nunalerinermullu Naalakkersuisoqarfiup nannunut aqutsinissamut pilersaarut tusarniutigivaa.

Aalisarnermut, Piniarnermut Nunalerinermullu Naalakkersuisoqarfik tusarniaanermut killigititaq tassaavoq pingasunngorneq septembarip 11-iat 2018 Kalaallit Nunaata kitaani nalunaaqutaq naapertorlugu nal. 16.00. Tusarniaanermi akissutit naalakkersuisoqarfimmut apnn@nanoq.gl-imut nassiuteqquneqarput.

Kalaallit Nunaanni nannut pillugit aqutsinissamut pilersaarummi pingaarnertigut anguniagaq tassaavoq: Nanoqatigiit peqqissut qulakkeerneqarneri, ataatsimoortumik paasinniffiusumik piujuartitsinermik tunngaveqartumillu iluaquteqarfiusoq.

Aqutsinissamut pilersaarummi anguniagassat sulissutigisassallu ilagivaat:

1)    Attaveqaqatigiinneq oqaloqatigiinnerlu

-          Attaveqaqatigiinnermi periusissiap pitsaanerulersinnera

-          Tusagassiutitigut upalungaarsimanerup pitsaanerulersinnera

2)    Piujuartitsinermik tunngaveqartumik piniarneq

-          Aqutsineq pitsaanerulersillugu

-          Nannut amerlassusiinik misissuineq

3)    Sumiiffiit piniarfiusut illuanilu Sumiiffiit piniarfiunngitsut

-          Apisseqarfiit illersorneqarneri

-          Takornariaqarneq annertusillugu

4)    Akerleriiffiit annikillisillugit

-          Qimaatitsissutit toqunanngitsut atorneqarnerisa pitsaanerulersinneri

-          Eqqakkanik passussineq

-          Upalungaarsimanissamut pilersaarut

5)    Nunat tamalaat suleqatigiinnerat

-          Nanoqarfiit imminnut qanittut akornanni paarlaattarnerat misissorneri

-          Canadamik/Nunavumik suleqateqarnerup ingerlatiinnarnera

-          IUCN’imi Polar Bear Specialist Gruppemi peqataaneq

Naalagaaffiit sineriallit sulineranni peqataaneq

Sammisaq:

Piniarneq

Tusarniaanerup suunera:

Nalunaajaatit-Nalunaarusiat

Naalakkersuisoqarfik:

Aalisarnermut Piniarnermut Nunalerinermullu Naalakkersuisoqarfik

Saqqummiunneqarfia:

07 aggusti 13:16:00

Tusarniaanermi piffissaliussaq:

11 septembari 16:00:00

Tusarniaanermi akissutit uunga nassiuteqquneqarput:

apnn@nanoq.gl