Siunnersuummik tusarniaaneq Suliniutini angisuuni illuliortiternernik sanaartornernillu suliassat pillugit

Uunga siunnersuummik tusarniaaneq: Suliniutini angisuuni illuliortiternernik sanaartornernillu suliassat pillugit Inatsisartut inatsisaata allanngortinnissaa pillugu Inatsisartut inatsisaat nr. xx, xx. xx 2019-imeersoq

 

(Atugaqarfissaata allinera, suliat taakkununnga atasut, aamma aningaasat killeqarfianik annikilliliineq)

 

Inatsisartut inatsisissaannut siunnersuut 2019-imi Inatsisartut upernaakkut ataatsimiinneranni (UPA 2019-imi) saqqummiunneqassasoq naatsorsuutigineqarpoq.

 

Siunnersuummi ilaasut pingaarnerit

2. pkt.-imik imatut oqaasertaqartumik atorunnaarsitsinermigut siunnersuummi § 1, nr. 1-imi aalajangersagaq § 5, imm. 3-mik allannguivoq:

 

Suliniutit taakkununnga attuumassuteqartunulli ilaanngillat nerisassiorneq, nerisarfinnik kantiinanik ingerlatsineq, eqqiaaneq, sumiiffimmi assartuineq tamatumunnga attuumassuteqartut suliallu assigisaat kiffartuussinerillu.”

 

§ 5, imm. 3, 2. pkt.-imi eqqaaneqartutut sulianik isumaginnittartuusuniipput sulisartut ullumikkut sulisartunik amigaatigineqarfigisatut paasineqarsinnaasut. Nunanit allamiunik Aqutsisoqarfiup (Udlændingestyrelsip) nunanit allamiunut inatsisaasoq malillugu qinnuteqaatit suliarisassatut tigusaasa amerlanerpaartaat suliffinnut taama ittorpianut tunngasutut nunanit allanit sulisartut sulinermut najugaqarnermullu akuersissutit pillugit qinnuteqarnerisigut tamanna ilaatigut takuneqarsinnaavoq. Nalinginnarmik tassaapput akunnittarfiit neriniartarfiillu aamma takornariartitsinermik inuussutissarsiorfiup iluini suliaqartitsinerit. § 5, imm. 3. uniffiit aappaanni atuuttutut oqaasertaliinermi suliniummik angisuumik aallartisaaneq suliffeqarfimmi qarsunniagassanik nassataqartunik annertusisumik artukkiissaaq, takornariartitsinermik inuutissarsiorfiup ineriartortinneranut immikkut ittumik killup tungaanik nassataqarluni siuarsarnermik kigaallassaasutut sunniuttussamik.

 

Siunnersuummi § 1, nr. 2-mi aalajangersagaq aqqutigalugu § 6, imm. 1, nr. 1 allanngortinneqassaaq, tassani suliniut suliniutinut angisuunut inatsimmi malittarisassiat malillugit neqerooruteqarsinnaanermut aningaasat 5 milliarder kr.-nit 1 milliard kr.-nut allanngortinneqarlutik.

 

Piukkunnaateqartutut neriunartulittut aatsitassarsiornermik suliniutit nunat tamalaani unammillernermut tunngasutut atugassaqarluni neqeroorutigineqarsinnaanissaat allannguutip nassatarissavaa. Taamaalilluni suliniutit taakku aningaasaliiffigisinnaanissaannut piviusunngortinnissaannullu periarfissat annertusissapput. Taamatuttaaq aningaasanik killissarisap appartinnera Kalaallit Nunaanni erngup nukinganik nukissiornissamik piukkunnaataasut ineriartortinnissaannut aningaasaliissutinik aggersaanissamut periarfissanik pitsanngorsaassaaq.

 

Allatut siunnersuummut tunngavigisaq, taassuma siunertaa imarisaalu pillugit siunnersuummut oqaaseqaataasunut innersuussisoqassaaq.

 

Inatsisartut inatsisissaannut siunnersuummut allaqqaagaq ataani downloaderlugu pissarsiarineqarsinnaavoq.

 

Inatsisartut inatsisissaannut siunnersuummut allaqqaagaq ataani downloaderlugu pissarsiarineqarsinnaasumi tusarniaaffigisanut allattuiffimmi erseqqinnerusumik nalunaarsugaasunut kattuffinnut pisortaqarfinnullu arlalinnut tusarniaassutigineqarpoq.

 

 

Sammisaq: Neqerooruteqartitsineq

Tusarniaassutigisap suunera: Inatsisartut inatsisaat

Naalakkersuisoqarfik: Inuussutissarsiornermut Nukissiuuteqarnermullu Naalakkersuisoqarfik

 

Tamanut saqqummiunneqarpoq: 26. Septembari 2018

 

Tusarniaanermut killiliussaq: 2. Novembari 2018

 

 

Tusarniaanermut akissutit uunga nassiutissapput:

Inuussutissarsiornermut Nukissiuuteqarnermullu Naalakkersuisoqarfik

isiin@nanoq.gl imaluunniit jhes@nanoq.gl

Allaatigiuk:

Siunnersuummik tusarniaaneq Suliniutini angisuuni illuliortiternernik sanaartornernillu suliassat pillugit

Sammisaq:

Inuussutissarsiorneq

Tusarniaanerup suunera:

Inatsisartut inatsisaat

Naalakkersuisoqarfik:

Inuussutissarsiornermut Nukissiuuteqarnermullu Naalakkersuisoqarfik

Siunertaq:

Siunnersuummik tusarniaaneq Suliniutini angisuuni illuliortiternernik sanaartornernillu suliassat pillugit

Saqqummiunneqarfia:

26 septembari 13:06:00

Tusarniaanermi piffissaliussaq:

02 novembari 12:00:00

Tusarniaanermi akissutit uunga nassiuteqquneqarput:

isiin@nanoq.gl imaluunniit jhes@nanoq.gl