"Uunga siunnersuut: Pisortat oqartussaaffigisaanni suliffeqarfiinilu nioqqutissanik kiffartuussinernillu pisiniarnermut tunngatillugu neqerooruteqartitsisarneq pillugu Inatsisartut inatsisaat nr. xx, xx. xxx 2018-imeersoq” tusarniaassutigineqarpoq.

Namminersorlutik Oqartussat pisiortornernik naammassinnittarnerannut toqqammavissiisumik Inatsisartut inatsisissaannut siunnersuut tunngavoq. Pilersuisartut toqqarnissaannut erseqqissunik toqqammaveqarnissaannik, aammalu namminersorlutik oqartussat pilersuisuisa assigiimmikpineqarnissaannik, aamma pisortat pisiortortarnerinut ingerlassanik aalajangersaanernik siunnersuut qulakkeerissaaq, taamaalilluni sunniuteqarluartumik unammillertoqarneq aqqutigalugu pisortat aningaasataannik sapinngisamik pitsaanerpaamik atuisoqassammat.

Taamaalilluni Kalaallit Nunaanni pisortani oqartussanut sullissisarfinnullu ataatsimoorussamik malittarisassianik siunnersuutikkut pilersitsisoqarpoq, taamaalillunilu aqutsisoqarfimmi annertunerusumik assigiissaartitsinissamut tunngavissiisoqarlunilu malitsigisaatut pisortanut suliffeqarfinnullu iluaqutaasussatut unammillernermi atugassarisat ilisarnarnerit paasiuminarnerillu nassatarissallugit.

UPA 2018-imi oqaluuserisassanngorlugu neqerooruteqartitsinermut inatsisissamut siunnersuummik Aningaasaqarnermut Sulisoqarnermullu Aqutsisoqarfik suleqatigalugu, aamma kommuninik ilanngussuilluni Inuussutissarsiornermut Nukissiuuteqarnermullu Naalakkersuisoqarfiup suliarivaa. Inatsisartunut qinersisussanngortoqarneq pissutigalugu UPA 2018-imi siunnersuut oqaluuserineqanngilaq. Siunnersuummik siusinnerusumi suliaasumik tassannga tunngaveqartillugu siunnersuut manna suliarineqarpoq. Taamaattorli suliassaqarfinni makkunani siuliani siunnersuummit manna allaanerussuteqarpoq. Tamatigoortutut tunngavigisassat pillugit § 1-imi aalajangersakkap nutaap ilanngunnera, unammillertoqarnerup siuarsarnissaanut nalilersuinermillu nalunaarusiamut tunngasutut aalajangersakkap peerneqarnera, aamma § 30, isumaqatigiissutit nalilersornissaat pillugit neqerooruteqartumut pisussaaffiup agguataarnissaa pillugu ilanngunneqarnera. Taamaattumik siunnersuut manna nutaamik tusarniaassutigalugu nassiunneqarpoq.

Sammisaq:

Inuussutissarsiorneq

Tusarniaanerup suunera:

Inatsisartut inatsisaat

Naalakkersuisoqarfik:

Inuussutissarsiornermut Nukissiuuteqarnermullu Naalakkersuisoqarfik

Tusarniaanermi piffissaliussaq:

18 juli 16:00:00

Tusarniaanermi akissutit uunga nassiuteqquneqarput:

isiin@nanoq.gl