Nuummi Mittarfiup allineqarnissaanut ASN-imut nassuiaatip (Avatangiisinut Sunniutissanik naliliineq) nutaamik tamanut ammasumik tusarniaassutigineqarnissaa

Nuup Mittarfiata allineqarnissaanut ASN-imut nassuiaat nutaamik tamanut ammasumik tusarniaassutigineqartussanngorpoq. ASN-imut nassuiaat siornatigut 6. februar 2018-imiit 3. april 2018-imut tamanut ammasumik tusarniaassutigineqarpoq. Tusarniaanerup kingorna Kalaallit Airports A/S (sanatitsisoq) ASN-imut nassuiaammi annertuunik allannguivoq, ilaatigut nipip sunniutissaannut, isumalluutinik atuinermut, nunamik mingutsitsinermut, nunap qaani imermut, imermut errortuivikumut aammalu pinaveersaartitsilluni iliuutsinut tunngasunik. Taamaattumik ASN-imut nassuiaat nutaamik tusarniaassutigineqassaaq.

 

ASN-imut nassuiaammi allannguutit pingaarnerit ASN-imut nalunaarummi kapitalini ukunaniipput:



Kapitali 1 – Imaqarniliaq teknikkimut tunngassuteqanngitsoq

Kapitali 5 – Tassani pineqarnerullutik:

                      5.3 Nipiliorneq sajuppilutsitsinerlu

                      5.5 Isumalluutinik atuineq

                      5.7 Nunamik mingutsitsineq

                      5.8 Immap qaani imeq imerlu errortuivikoq

Kapitali 8 – Pinaveersaartitsilluni iliuusissat

 

Innuttaasut ataatsimiitinneqarnissaat

Kalaallit Airports A/S ASN-imut nassuiaat iluarsisaq pillugu innuttaasunik ataatsimiititsissaaq. 11. december 2018-imi nal. 19:00 Katuami innuttaasut ataatsimiitinneqassapput.

 

Tusarniaaneq

Kikkulluunniit suliamut soqutigisaqartut tusarniaanermi akissuteqaqqullugit kajumissaarneqarput. Tusarniaaneq tamanut ammasumik ingerlanneqassaaq, aammalu ullormit saqqummiussiffimmiit sapaatit akunnerini sisamani ingerlassalluni.

 

Tusarniaanermut najoqqutassat ukuninnga imaqarput:

  • Nuup Mittarfiata allineqarnissaa, ASN-imut nassuiaat kiisalu ilanngussat.

 

Nalunaarusiat teknikkimut tunngasut allat, tusarniaanermut najoqqutassanut ilaanngitsut Kalaallit Airports A/S-imut attaveqarnikkut pissarsiarineqarsinnaapput.

 

Tusarniaanermi killigititaq: ulloq 14. december 2018, nal: 16:00.

Tusarniaanermi akissuteqaatit uunga nassiunneqassapput:

 

Pinngortitamut, Avatangiisinut Ilisimatusarnermullu Naalakkersuisoqarfik

Postboks 1614

3900 Nuuk

 

Imaluunniit e-mail-ikkut:

pan@nanoq.gl.

 

Sammisaq:

Avatangiisit

Tusarniaanerup suunera:

Avatangiisinik nalilersuinerit

Naalakkersuisoqarfik:

Pinngortitamut, Avatangiisinut Ilisimatusarnermullu Naalakkersuisoqarfik

Saqqummiunneqarfia:

16 novembari 08:05:00

Tusarniaanermi piffissaliussaq:

14 decembari 16:00:00

Tusarniaanermi akissutit uunga nassiuteqquneqarput:

pan@nanoq.gl