Qamutit motoorillit akitsuusersorneqarnerisa allanngortinneqarnissaat pillugu siunnersuutit marluk tusarniutigineqarneri

Tusarniaaneq siunnersuutinut tulliuttunut tunngavoq:

  1. Eqqussinermi akitsuutit pillugit Inatsisartut inatsisaata allanngortinneqarnera pillugu Inatsisartut inatsisaat
  2. Qamutit motoorillit akitsuutaat pillugit Inatsisartut inatsisaata allanngortinneqarnera pillugu Inatsisartut inatsisaat
Siusinnerusukkut siunnersuutinik allannguut piffissami 31. maj 2017-imit 5. juli 2017-imut tusarniaassutigineqarnikuuvoq.

Siunnersuut una akitsuusersuinermi avatangiisinut mianerinninnerunissaq pillugu siusinnerusukkut suliaqarsimanermut isumaliuutersuutinullu attuumassuteqanngilaq. Allanngortiterinissami taamaattumi utaqqineqarallarpoq, biilit typiinik akuersinermi biilit orsussamik atuinerannik uuttuisariaatsip nutaap naammassinissaa (WLTP).

Siunnersuutinut oqaaseqaataasinnaasut Aningaasaqarnermut Naalakkersuisoqarfimmut kingusinnerpaamik 10. august 2018 tunniunneqassapput.

Tusarniaanermi akissutit uunga nassiuteqquneqarput oed@nanoq.gl uungalu kopi ilanngullugu pla@nanoq.gl.

Sammisaq:

Akitsuutit

Tusarniaanerup suunera:

Inatsisartut inatsisaat

Naalakkersuisoqarfik:

Aningaasaqarnermut Naalakkersuisoqarfik

Saqqummiunneqarfia:

23 juli 14:27:00

Tusarniaanermi piffissaliussaq:

10 aggusti 00:00:00

Tusarniaanermi akissutit uunga nassiuteqquneqarput:

oed@nanoq.gl uungalu kopi ilanngullugu pla@nanoq.gl