Uunga siunnersuutip: Pisortat Pisiortortarneranni Neqerooruteqartitsinermi Maalaaruteqartarfik pillugu Inatsisartut inatsisaata allanngortinneqarnissaa pillugu Inatsisartut inatsisaat nr. xx, xx. xxx 2018-imeersup tusarniaassutigineqarnera

2018-imi ukiaanerani ataatsimiinnermi uunga siunnersuut: Pisortat Pisiortortarneranni Neqerooruteqartitsinermi Maalaaruteqartarfik pillugu Inatsisartut inatsisaat nr. xx, xx. xxx 2018-imeersoq suliarineqarpoq. 2019-imi upernaakkut ataatsimiinnissamut inatsisissatut siunnersuutinik tunniussinissamut piffissamut killissaliussat malissinnaaniarlugit, inatsisip pingaarnerup Inatsisartuni naammassillugu suliarineqarnera sioqqullugu, inatsisissatut siunnersuut manna tusarniaassutigalugu nassiunneqarpoq.

Allaatigiuk:

Uunga siunnersuut: Pisortat Pisiortortarneranni Neqerooruteqartitsinermi Maalaaruteqartarfik pillugu Inatsisartut inatsisaat nr. xx, xx. xxx 2018-imeersoq, ukiaanerani ataatsimiinnerup nalaani akuerineqassappat, makkua allanngortinneqarnissaat siunnersuutigineqarpoq.

Illuliortiternermut sanaartornermullu suliassaqarfimmi Neqeroortitsinernut Naammagittaalliortarfimmik peqareerpoq, tamanna pillugu sanaartornermi neqerooruteqartitsisarneq pillugu Inatsisartut inatsisaat nr. 11, 2. december 2009-meersumi aalajangersakkani maleruagassiivigineqartumik. Maalaaruteqartarfimmut inatsit ukiaanerani ataatsimiinnermi akuerineqassappat, naammagittaalliortarfiit marluk pisortat neqeroortitsinerannik naammagittaalliuutinik suliarinnittartut atuutilissapput.

Tamanna tunngavigalugu aamma sanaartornermi neqerooruteqartitsisarneq pillugu Inatsisartut inatsisaat nr. 11, 2. december 2009-meersup unioqqutinneqarnera pineqartunut ilaatilerlugu, Pisortat Pisiortortarneranni Neqerooruteqartitsinermi Maalaaruteqartarfiup akisussaaffeqarfiisa annertusitinneqarnissaat naleqqunnerpaasorinarpoq. Taamaalilluni naammagittaalliortarfiit ingiaqatigiissut, taamaalilluni pisortat neqeroortitsinerannut naammagittaalliuutinik suliaqarfiusussat, marluujunnaassapput.

Suliassaqarfiit ataatsimoortinneqarneranni, periaaseq suliaqarnermi atorneqareersoq ingerlatiinnarneqarsinnaassammat, iluaqutissartaassaaq. Taamaalilluni maalaaruteqartarfiup pilersinneqarlaap Neqeroortitsisarnermut Maalaaruteqartarfimmi ilusiliineq pilersinneqareersoq iluaqutigisinnaassavaa. Allaffissornikkut sunneeqatigiissitsinerit saniatigut, maalaaruteqartarfiit ataatsimoortinneqarnerisa kingunerisaanik, maalaaruteqartarfimmi allattoqarfianilu piginnaasaqarnernik inerisaaneq ataatsimoornerulersinneqassaaq.

Taamaattumik siunnersuut allanngortitsinissamik imaqarpoq, taamaalilluni Pisortat Pisiortortarneranni Neqerooruteqartitsinermi Maalaaruteqartarfiup aamma sanaartornermi neqerooruteqartitsisarneq pillugu Inatsisartut inatsisaanni aalajangersakkat unioqqutinneqarnerat pillugu naammagittaalliuutit aamma suliarisassallugit.

Tusarniaanermi akissutit uunga nassiuteqquneqarput:

isiin@nanoq.gl aamma memh@nanoq.gl

Sammisaq:

Inuussutissarsiorneq

Tusarniaanerup suunera:

Inatsisartut inatsisaat

Saqqummiunneqarfia:

07 novembari 09:30:00

Tusarniaanermi piffissaliussaq:

10 decembari 16:00:00

Tusarniaanermi akissutit uunga nassiuteqquneqarput:

isiin@nanoq.gl