Ilulissani Nuummilu mittarfiit tallinissaannut VVM-it tunuartinneqarput.

Kalaallit Airports-ip ullumi, sisamanngorneq ulloq 4. december, Nuummi aamma Ilulissani mittarfinnut VVM-imut nassuiaatit tamanut saqqummiunneqaqqammersut tunuartippai.

Nalunaarusiat pitsaassusaanni qulakkeeriniarnermi kukkuneqarnera pissutigalugu tamanna pivoq. Kukkuneq Kalaallit Airports-ip siunnersortaani NIRAS-imi pivoq, tassani nalunaarusiani tamanut saqqummersinneqartuni allannguutit kingulliit ilanngunneqarsimanatik.

Nassuiaatit iluarsisat piffissap qanittup iluani naammassissasut naatsorsuutigineqarpoq, tamatumalu kingorna Namminersorlutik Oqartussat tusarniaanermut nittartagaanni pissarsiarineqarsinnaalissallutik.

Tunuartitsinerup kingunerisaanik Ilulissani aqagu 5. december, aamma Nuummi 7. december, innuttaasunik ataatsimiititsinissat pilersaarutigineqartut taamaatinneqarput. Ukiup nutaap aallartinnerani nutaamik tusarniaasoqarumaarpoq innuttaasunillu ataatsimiititsinerit ingerlanneqarnissaannut aggersaasoqarumaarluni.

Naalakkersuisoqarfik:

Pinngortitamut, Avatangiisinullu Naalakkersuisoqarfik

Saqqummiunneqarfia:

04 decembari 16:29:00

Tusarniaanermi piffissaliussaq:

22 januari 12:00:00