Unammilleqatigiinneq pillugu Inatsisartut inatsisaannut (unammilleqatigiinnermut inatsit) allannguutissatut siunnersuummut nr xx, xx – ni 2018-imeersumut siunnersuut (pisortat pisiniartarnerannut –tamatumunngalu toqqammavissanik isumaqatigiissusiornermi immikkut toqqakkanuinnaq atuutsitsinerup inerteqqutaanera)

Unammillertoqarnermut inatsisip allanngortinnissaa, aamma ikittuinnarnut tunngatitaqartarnermut inerteqqutip eqqunneqarnera pillugu siunnersuut, pisortat pisiortornermut piginnaaffigisaannik erseqqissaanermik qularnaarisussaq unammillertoqarnermi killilersuisutut sunniuteqarsinnaavoq.

Unammillertoqarnermi killilersuisutut ajornartorsiutit pisortat pisiortortutut nioqqutinik pisiortornissamut imaluunniit kiffartuussissuteqarnissamut isumaqatigiissummik neqerooruteqartitsineranni pinngorsinnaapput. Pisortat annertussusaata nassatarisinnaavai suliffeqarfiit neqeroortitsinermi iluanaaruteqanngitsut pisortallu niuersinnaajunnaarnerat, isumaqatigiissut neqeroortitsissutaasoq ikittuinnarnut tunngatitanut isumaqatigiissummik imaqassappat.

Neqeroortitsinermi ajugaasumut unammillertuusut niuffaffimmi atuussinnaajunnaarpata, taamaattumillu matusariaqarlutik pisortat piffissami sivikitsumi iluanaarutit sipaarutitut ilusilittut pissarsiarisai piffissamut sivisunerusumut annaaneqassapput. Taamaalilluni neqeroortitsinerup tulliani unammillertoqarneq suujunnaarsimassaaq, pisortallu maannakkut isumaqatigiissuteqarfigisaq taanna isumaqatigiissuteqarfigeqqissavaat, taamaattorli akigititat annertunipilussuit atorlugit, niuffaffimmi unammillerfissaarussimanera pissutaalluni.

Tamanna ungasissoq isigalugu Kalaallit Nunaanni niuffaffimmi toqqaanissamut periarfissat annikillinissaannik isumaqarpoq, aammalu inuussutissarsiorfimmut atuisartunullu nioqqutissanik aamma kiffartuussissutinik neqeroorutaasunik piffissamut ungasissumut ajoqusiissalluni. 

Niuffaffimmi naleqqutinngitsutut sunniutit pinaveerniarlugit pisiortornermi aamma toqqammavissatut isumaqatigiissutini ikittuinnarnut tunngatitanut inerteqqut eqqunneqassaaq. Pisortat pisiortornermik aamma toqqammavissatut isumaqatigiissutinik atsiuinerinik tunngaveqartumik niuffaffiup killup tungaanut sunniuteqarfiunissaata pinaveernissaa siunertarineqarpoq.

Sammisaq:

Inuussutissarsiorneq

Tusarniaanerup suunera:

Inatsisartut inatsisaat

Naalakkersuisoqarfik:

Inuussutissarsiornermut, Nukissiuuteqarnermut Ilisimatusarnermullu Naalakkersuisoqarfik

Saqqummiunneqarfia:

27 novembari 11:53:00

Tusarniaanermi piffissaliussaq:

08 januari 12:00:00

Tusarniaanermi akissutit uunga nassiuteqquneqarput:

isiin@nanoq.gl