Nunamut Tamarmut Geodatanut periusissiaq 2018 – 2021

Inuiaqatigiinni annertusiartuinnartumik digitaliseriisoqartillugu, nunat assiliortitsernertigut paasissutissat nutaat suliarinissaannut avitseqatigiissutiginissaannullu periarfissat nutaat aamma pilerput. Taamaasiluni nunat tamalaat akornannisulli aamma Kalaallit Nunaanni geodatat nutaamik paasineqarlutillu atorneqarneri ineriartortinneqartoq eqqummaffigineqaleraluttuinnarpoq.

 

Geodatanik paarlaasseqatigiittarneq ataqatigiissumik aaqqissussaq, aamma nunat killeqarfii, suliffeqarfiit pisortaqarfiillu akimorlugit ingerlanneqartoq, pisarpoq, nunap assiliornermut attaveqaqatigiiffiliornikkut – taaneqartartumik SDI (Spatial Data Infrastructure). Nunat assiliortitsernerinut attaveqaqatigiiffiit suliaasa imarisapaat politikkit, assigiissunik periutsit aamma sulisussanik inuttalersuinerit, paasissutissanik katersinerit, paasissutissat suliarinissaat toqqorternissaallu, tamanullu iluaqutissanngortinnissaat.

 

Spatialimik (imaluunniit nunat assiliortitsernerinut) attaveqaqatigiinneq tassaavoq, inuiaqatigiinnut nutartikkanut ingerlalluartunullu pingaaruteqarluinnartoq, nunakkumut attaveqaqatigiiffiliornernut allanusulli ( mittarfiit, umiarsualiviit, aqqusernit il.il.) pingaartigisoq. Inuiaqatigiit pingaarutilinnik suliaannut, assersuutigalugu illoqarfiit ineriartortinnissaannut, upalugaarsimanernut, attaveqaqatigiiffiliornernut, pilersuinernut, innaallagissiornernut, silap allanngoriartorneranut nalimmassarnermut, aatsitassarsiornernut, pinngortitamik atuinermut, asimiittarnernut, takornariartitsinernut il.il., geodatat tunngavissatut pingaaruteqarluinnartuupput.

 

Nunamut Tamarmut Geodatanut periusissiaq 2018 – 2021 sinaakkusiivoq ukiunut sisamanut tulliuttunut sulinissamut nunap assiliornermi goedatamullu tunngasuni. SDI-t (Spartial Data Infrastrucure) 2010-meersoq Kalaallit Nunaannut tunngasut siulliit, saqqummersitami “Kalaallit Nunaata nunataa pillugu paasissutissat takujuminartut”, tunngavilersorneqarput, taakkulu nutaamik ingerlariarteqqissavavut.

 

Geodatanik suliaqarnermut 2018-2021-mut nunatsinnut tamarmut periusissiaq pilersinneqarpoq nunanik assiliortitsinerit annertuut atorneqarnerisigut aamma Kalaallit Nunaanni siunissami geodatat periarfissiinerisa misissornerisigut. Ingerlanneqarnerani seminareqartitsisoqarpoq workshopillu geodtanut soqutiginnittunut atuisunullu.

 

Periusissap takutippaa pisariaqartoq nutaamik inatsisiliortariaqartoq siunissami tamanut atugassanut nunap asseqalernissaanut aammalu geodatamut ataqatigiittoqalernissaa.

Nunamut Tamarmut Geodatanut periusissiaq 2018 – 2021mut tusarniaaneq

Nunamut Tamarmut Geodatanut periusissiaq 2018 – 2021mut pisortatigoortumik tusarniaasoqarpoq decembarip 15.-aniit 2017 ataasinngorneq ilanngullugu januarip 29-anut 2018-mut nal. 12.00. Tusarniaanermi akissutit nassiunneqassapput oed@nanoq.gl – mut.

Allaatigiuk:

Nunamut Tamarmut Geodatanut periusissiaq 2018 – 2021

Sammisaq:

Nuna tamakkerlugu pilersaarusiortarneq

Tusarniaanerup suunera:

Nalunaajaatit-Nalunaarusiat

Saqqummiunneqarfia:

15 decembari 14:00:00

Tusarniaanermi piffissaliussaq:

29 januari 12:00:00

Tusarniaanermi akissutit uunga nassiuteqquneqarput:

oed@nanoq.gl