Avatangiisinut aningaasaateqarfik pillugu Inatsisartut inatsisaannut missingiut pillugu tusarniaaneq

Pinngortitamut Avatangiisinullu Naalakkersuisoqarfiup matumuuna Avatangiisinut aningaasaateqarfik pillugu Inatsisartut inatsisaannut missingiut nassuiaatitaqartoq tusarniaassutigalugu nassiuppaa.

Piffissap tusarniaaffiusup sivitsorneqarnera
Avatangiisinut aningaasaateqarfik pillugu Inatsisartut inatsisissaannut nassuiaatitaqartumut missingiummi ulloq 21.11.2017 allanngortitsisoqarpoq. Taamaattumik tusarniaanermut killiliussaq ulloq 29.12.2017 tikillugu sivitsorneqarpoq. 

Siunnersuummut tunngaviusut Avatangiisinut aningaasaateqarfik avatangiisinut suliassaqarfimmi siunissami ungasissumi aammalu attanneqarsinnaasunik aaqqiissutissarsinissamut iluaqutaassaaq. Aningaasaateqarfiup ilusiligaanera, avatangiisinut akitsuutit aamma avatangiisini suliniuteqarnerup/avatangiisini aaqqiissutissat ersarissumik paatsuugassaanngitsumillu imminnut ataqatigiissinneqarnerannik qulakkeereqataassaaq.


Avatangiisinut akitsuutit Avatangiisinut aningaasaateqarfimmut tunniunneqartassasut aammalu avatangiisini pitsanngorsaanermut toqqaannartumik atorneqartassasut, innuttaasunut suliffeqarfinnullu ersarissuussaaq. Peqatigisaanik avatangiisinut akitsuutinit Avatangiisinut aningaasaateqarfiup aningaasalersorneqarnera, avatangiisinut mingutsitsinnginnersumik pissusilersornerup tungaanut atuisut pissusilersortarnerisa allanngortinnissaanut, kajumissuseqalersitsissaaq. Kiisalu nunarput tamakkerlugu aammalu suliassaqarfinni pingaaruteqartuni avatangiisini suliniuteqarnerup malunnaatilimmik pitsanngorsarneqarnerata ingerlanneqarsinnaanissaanut, isumalluutinik naammattunik Avatangiisinut aningaasaateqarfik qulakkeerissaaq.

Avatangiisinut aningaasaateqarfiup pilersinneqarnissaanut siunertaasoq, ’mingutsitsisup akiliinissaanik’-tunngaviusup, Kalaallit Nunaanni taamatullu nunani tamalaani avatangiisinut inatsimmi tunngavigineqartumut, nangissutigalugu inissinneqarpoq. Tunngaviusup taassuma kingunerisaanik  
eqqagassanik pilersitsisoq, aamma tamatuma kingorna passussinermut akiliisussaavoq.

Avatangiisinut aningaasaateqarfik Inatsisartut inatsisaata immikkoortup akuerineqarneratigut pilersinneqassasoq siunnersuutigineqarpoq. Tamatuma kingorna naatsorsuutigineqarpoq, suliassaqarfinnut, Naalakkersuisut avatangiisinut akitsuutinik atuutsitsiviuppata naleqquttoq naliliippata, inatsisissatut siunnersuummik ingerlaavartumik suliaqartoqartassasoq (ilanngullugu aamma aningaasaqarnikkut aqutsissutissaasinnaasunik allanik, soorlu saviminikunik igitsinermut akissarsiassaqartitsineq imaluunniit utertitsisarnermik aaqqissuussinerit). Avatangiisinut akitsuutit assigisaallu pillugit inatsisissatut siunnersuutit Aningaasaqarnermut Akileraartarnermullu Naalakkersuisoqarfimmit suliarineqartassapput. Inatsisissatut siunnersuutit taakkua naammassineri ilutigalugu tusarniaassutigalugit nassiunneqartassapput.

Inussiarnersumik inuulluaqqusillunga Med venlig hilsen

Louise Skovbo Petersen Fuldmægtigi / Fuldmægtig

Pinngortitamut Avatangiisinullu Naalakkersuisoqarfik Pinngortitamut Avatangiisinullu Naalakkersuisoqarfik Ministry of Nature and Environment

P.O. Box 1614. 3900 Nuuk
Oq./Tel.: +299 34 51 54

losp@nanoq.gl

Sammisaq:

Avatangiisit

Tusarniaanerup suunera:

Inatsisartut inatsisaat

Naalakkersuisoqarfik:

Pinngortitamut, Avatangiisinullu Naalakkersuisoqarfik

Saqqummiunneqarfia:

02 novembari 11:45:00

Tusarniaanermi piffissaliussaq:

29 decembari 12:00:00

Tusarniaanermi akissutit uunga nassiuteqquneqarput:

pan@nanoq.gl