Illunut sanaqataaffiusunut taarsigassarsiat pillugit inatsit

Ilanngullugit nassiunneqarput Illunut sanaqataaffiusunut taarsigassarsiat pillugit Inatsi-sartut inatsisaattut missingiutip tusarniaassutigineqarnera.

Kommunit ataasiakkaat ulloq 1. januar 2017-imi nunaqarfinni isorliunerusunilu illunik sa-naqataaffiusunik pissarsinermut nutarterinermullu tapissutinut allaffissornikkut akisus-saaffik tiguaat. Illumik sanaqataaneq pillugu inatsisartut inatsisissaattut siunnersuutip nuussineq taanna aaqqissuuppaa.

Ukiuni kingullerni qinnuteqartut piukkunnaateqartut ikitsuararsuusimapput. Taamaattu-mik arlalitsigut oqilisaasoqarnera ilanngunneqarpoq, taamaalilluni innuttaasut amerlane-rusut illumik sanaqataanissamut qinnuteqarsinnaallutik.

Aammattaaq siunnersuutigineqarpoq illumik sanaqataanermik aaqqissuussineq suli an-nerusumik nunaqarfinnut illoqarfinnullu mikinerusunut sammitinneqassasoq. Siunner-suutigineqarpoq siunissami taamaallaat nunaqarfinni kiisalu Kangaatsiami, Qaanaami aamma Ittoqqortoormiini illumik sanaqataaffiusunik nutaanik sanaartornissamut taarsi-gassarsisitsisoqarsinnaassasoq.

Siunnersuutigineqarpoq maannamut ukiunut 33-inut pinnagu ukiut 20-it ingerlaneranni illumik sanaqataaffiusumik sanaartornermi taarsigassarsiat appartikkiartorneqasssut Peqatigisaanik siunnersuutigineqarpoq piffissami appartitsiartornermi nutarterinermut taarsigassarsinissamut imaluunniit tapiissutissanik pissarsisoqassanngitsoq. Ukiut 20-it kingorna illumik piginnittoq inissianik aningaasalersuineq pillugu Inatsisartut inatsisaat malillugu nutarterinermut taarsigassarsiassanik qinnuteqarsinnaassaaq.

Siunnersuutigineqarpoq illut sanaqataaffiusut utaqqiisaasumik peqannginnerup nalaani attar-tortinneqarsinnaassasut soorlu aamma siunnersuutigineqartoq piginnittut nikinneri-ni kommunalbestyrelsimit taarsigassarsiat tiguneqarsinnaassasut.

Kiisalu siunnersuutigineqarluni illumik sanaqataaffiusumik nutaamik sanaartornissamut taarsigassarsinissamut aningaasatigut piumasaqaatit oqilisinneqassasut.


Oqaaseqaataajunnartut Kommuninut, Nunaqarfinnut, Isorliunerusunut, Attaveqaqatigiin-nermut Ineqarnermullu Naalakkersuisoqarfimmi tiguneqareersimassapput kingusinner-paamik 29. december 2017.

Oqaaseqaatit Naalakkersuisoqarfiup pisortatigoortumik mail-ianut box909@nanoq.gl nassiuteqquneqarput imaluunniit uunga:
Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoqarfik
Postboks 909
3900 Nuuk

Sammisaq:

Ineqarneq

Tusarniaanerup suunera:

Inatsisartut inatsisaat

Naalakkersuisoqarfik:

Ineqarnermut Attaveqaqatigiinnermullu Naalakkersuisoqarfik

Saqqummiunneqarfia:

28 novembari 10:44:00

Tusarniaanermi piffissaliussaq:

29 decembari 00:00:00

Tusarniaanermi akissutit uunga nassiuteqquneqarput:

box909@nanoq.gl