Allannguutissatut siunnersuut uunga Uunga siunnersuut: Ilinniartut sungiusartullu atorfinitsinnerini suliffiit pisortanilu oqartussat inuiaqatigiinni akisussaaffeqarnerat pillugu Inatsisartut inatsisaat nr. xx ulloq xx. xxx 2017-imeersoq

Matumuuna Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoqarfiup nassiuppaa allannguutissatut siunnersuut uunga: Inatsisartut inatsisaat nr. xx ulloq xx. xxx 2017-imeersoq Ilinniartut sungiusartullu atorfinitsinnerini suliffiit pisortanilu oqartussat inuiaqatigiinni akisussaaffeqarnerat pillugu Inatsisartut inatsisissaattut siunnersuut tamanut tusarniaassutigineqartoq piffissami 12. december 2017-imiit 24. januar 2018-imut.

Allannguutissatut siunnersuummi siunertaavoq periutsinik ingerlatitseqqinnissaq Sanaartornermi ilinniartoqartarneq pillugu Namminersorlutik Oqartussat nalunaarutaanni nr. 10, 12. juli 2010-meersumiittunik, Inatsisartut inatsisaatigut atorunnaarsinneqartussami.

Allannguutissatut siunnersuut suliaavoq sanaartornermi ilinniartoqarneq pillugu Namminersorlutik Oqartussat nalunaarutaat nr. 10, 12. juli 2010-meersup naleqqussarneqarnissaanik Naalakkersuisut peqquneqarnissaat pillugu Inatsisartuni aalajangiiffigisassatut siunnersuummi, Inatsisartunut ilaasortamit Bendt B. Kristiansen, Inuit Ataqatigiit, siunnersuutigineqartumut (UKA 2017 imm. 184) naapertuuttumik.

Ilanngullugulu aamma nassaarisinnaavarsi Inatsisartut inatsisaat nr. xx ulloq xx. xxx 2017-imeersoq Ilinniartut sungiusartullu atorfinitsinnerini suliffiit pisortanilu oqartussat inuiaqatigiinni akisussaaffeqarnerat pillugu Inatsisartut inatsisissaattut siunnersuut siunnersuutaaqqaartoq. Siunnersuutaaqqaartumullu aamma oqaaseqaatissaqassagaluarussi tikilluaqquneqarpusi tusarniaanermi akissutissinnut aamma taakkua ilanngunnissaannut.

Kiisalu aamma Inatsisartut inatsisissaattut siunnersuutip Inatsisartuni suliarineqarsimanera malinnaavigisinnaavarsi Inatsisartut quppersagaanni uani: https://ina.gl/samlinger/oversigt-over-samlinger/samling/punktliste/ ullormut oqaluuserisassatut normu 26-itut.

Tusarniaanermi akissutissat nassiunneqassapput Naalakkersuisoqarfiup pisortatigoortumik e-mail-ianut adressianut uani isiin@nanoq.gl kingusinnerpaamik ulloq 24. januar 2018.

Sammisaq:

Inuussutissarsiorneq

Tusarniaanerup suunera:

Inatsisartut inatsisaat

Naalakkersuisoqarfik:

Inuussutissarsiornermut, Nukissiuuteqarnermut Ilisimatusarnermullu Naalakkersuisoqarfik

Saqqummiunneqarfia:

13 decembari 14:21:00

Tusarniaanermi piffissaliussaq:

24 januari 23:30:00

Tusarniaanermi akissutit uunga nassiuteqquneqarput:

isiin@nanoq.gl