Uunga siunnersuut: Neqerooruteqartarnermut Naammagittaalliuuteqartarfik pillugu Inatsisartut inatsisaat nr. xx.xxx.2018-imeersoq

Matumuuna tusarniaassutigalugu nassiunneqarpoq siunnersuummut missingiut: Neqerooruteqartarnermut Naammagittaalliuuteqartarfik pillugu Inatsisartut inatsisissaat.

Allaatigiuk:

Illulianut sanaartukkanullu tunngasunut akerlianik nioqqutissat sullissinerillu pisortanit pisiarineqartarnerat inatsisitigut siusinnerusukkut inatsisitigut malittarisaliuunneqarsimanngillat, kisiannili najukkani pisortat akunnerminni aalajangersagaannik aqunneqartarsimalluni.

Siunnersuut Inatsisartut inatsisissaattut siunnersuut pisortat ingerlatsiviini aamma pisortat suliffeqarfiutaanni nioqqutissanik kiffartuussinernillu pisiniartarnermut atatillugu neqeroortitsisarneq pillugu (neqeroortitsisarneq pillugu inatsit) peqatigalugu saqqummiunneqarpoq. Inatsisip kinguneqartitsilluartumik sunniuteqarnissaa qularnaarumallugu unioqqutinneqarnera naammagittaalliutigineqarsinnaassaaq kinguneqartitsisinnaassallunilu, taamalu siunnersuummi naammagittaalliuutinik aalajangiisartussat pilersinneqarnissaat saqqummiunneqarluni. Taamatut pilersitsinerup nioqqutissat sullissinerillu pillugit suliaqarfimmi nakerisarsiunngitsumik naammagittaalliuuteqartarfeqarneq qularnaassavaa.

Naammagittaalliuuteqartarfik taamaattoq, Neqerooruteqartarnermut Naammagittaalliuuteqartarfik, sanaartornermut tunngassuteqartuni ingerlareerpoq, Neqeroorusiortarneq pillugu inatsimmi tamakku pillugit aalajangersakkat takukkit. Nioqqutissanik sullissinernillu neqerooruteqartarnermut nutaamik naammagittaalliuuteqartarfimmik pilersitsinermiit siunertamut naleqqunnerussaaq maannakkut naammagittaalliuuteqartarfiup akisussaaffeqarfii annertusigaanni aammattaaq suliariumannittussarsiuussisarnermut inatsimmik unioqqutitsinerit ilanngullugit.

Sammisaq:

Inuussutissarsiorneq

Tusarniaanerup suunera:

Inatsisartut inatsisaat

Naalakkersuisoqarfik:

Inuussutissarsiornermut, Nukissiuuteqarnermut Ilisimatusarnermullu Naalakkersuisoqarfik

Saqqummiunneqarfia:

18 decembari 14:46:00

Tusarniaanermi piffissaliussaq:

22 januari 12:00:00

Tusarniaanermi akissutit uunga nassiuteqquneqarput:

isiin@nanoq.gl