Uunga siunnersuut: Sermip erngullu avammut nioqqutissatut atorneqarnissaat pillugu Inatsisartut inatsisaat nr. xx, xx. xxx 2018-imeersoq

Matumuuna "Uunga siunnersuut: Sermip erngullu avammut nioqqutissatut atorneqarnissaat pillugu Inatsisartut inatsisaat nr. xx, xx. xxx 2018-imeersoq (sermip erngullu avammut nioqqutiginissaannut inatsit)" tusarniaassutigalugu nassiunneqarpoq. 

Allaatigiuk:

Sermip erngullu avammut nioqqutissatut atorneqarnissaat pillugu Inatsisartut inatsisaannut (sermip erngullu avammut nioqqutiginissaannut inatsit) nutaamut siunnersuummi Inatsisartut inatsisaat annertuumik aallaavigineqarpoq. Siunnersuummi Inatsisartut inatsisaanni aalajangersakkat aalajangersimasumik annertussusilimmik allanngortinneqarput, ilanngullugu aalajangersakkanik nutaanik ilanngussinikkut.

Siunnersuut malillugu Inatsisartut inatsisaata allanngortinneqarnera, allannguutissatut inatsisikkut piviusunngortinneqanngilaq, kisiannili inatsimmi nutaami piviusunngortinneqarluni. Tamanna siunnersuutigineqarpoq, ilaatigut inatsisip allanngortinneqartup pisariinnerunissaa paasiuminarnerunissaalu, taamaalillunilu ulluinnarni paasiuminarnerunissaa atoruminarnerunissaalu eqqarsaatigalugit.

Siunnersuummi pisinnaatitsissummik pigisaqartut arlallit avammut nioqquteqarnissaq siunertaralugu sermimit isumalluummut imaluunniit imermit isumalluummut ataatsimut atuinissamut akuersissummik tunineqarsinnaanerat periarfissiissutigineqarpoq. Atuisartunut najukkameersunut pilersuinermut atugassatut aammalu atuinissamut akuersissut malillugu atuinissamut sumiiffimmi sermimik imaluunniit imermik atuinissamik pisariaqartitsineq, sermip imaluunniit erngup sumiiffimmi atorneqarsinnaasup annertussusaanit annertunerusimappat, isumalluutit qanoq agguarneqassanersut pillugu aalajangersakkanik aammattaaq siunnersuut imaqarpoq.

Siunnersuut aamma pissutsit allat pillugit aalajangersakkanik imaqarpoq, ilanngullugit pisinnaatitsissummik pigisaqartut Namminersorlutik Oqartussanut akitsuutinik akiliuteqartarnissaa pillugu aammalu piffissami atuiffiusussami ukiumi siullermi akiliutinik taakkuninnga aamma akileraarutinik akitsuutinillu akiliisussaatitsinnginnissamut periarfissaqarneq pillugu aalajangersakkat nutaat. Siunnersuut aamma akuersissut malillugu sermip erngullu atorneqartussap annertussusaata annertunerpaajusinnaaffia pillugu, sermimit isumalluutinik aamma imermit isumalluutinik atuinerup ataatsimut aaqqissuunneqartarnera aamma atuinermut atortut pillugit aammalu sermimut imermullu nioqqutissanut taaguutinik imaluunniit immikkut nalunaaqutsersuinernik illersuineq atuisarnerlu pillugit aalajangersakkanik nutaanik imaqarpoq. Siunnersuut aamma ilaatigut sermip erngullu imigassatut assigisaattulluunniit atorneqartussap imaluunniit atorneqarsinnaasup pitsaassusissaanut piumasaqaatit aamma pitsaassutsinik nakkutiginninneq pillugit, aammalu Kalaallit Nunaannut, Kalallit Nunaannit Kalaallit Nunannilu usinik imaatigut assartuineq pillugu inatsisip saneqqunneqarnissaanut aalajangersakkanik imaqarpoq.

Sammisaq:

Inuussutissarsiorneq

Tusarniaanerup suunera:

Inatsisartut inatsisaat

Saqqummiunneqarfia:

20 decembari 13:37:00

Tusarniaanermi piffissaliussaq:

25 januari 12:00:00

Tusarniaanermi akissutit uunga nassiuteqquneqarput:

isiin@nanoq.gl