Pituffiup eqqaani Titaniumimik suliniummut VSB-mut aamma VVM-mut nassuiaanermi suliassiissummut piareersaataasumik tusarniaaneq

Titaniumik suliniutip killiffia

Sumiiffik

Killiffik

Ulloq

VSB-mut aamma VVM-imut nassuiaanermi suliassiissummut piareersaataasumik tusarniaaneq

OK

(nittartakkami allerpaamiippoq) 

12. april 2017-imit 19. maj 2017-imut

VVM-imut aamma VSB-mut nassuiaanermi sivikinnerpaamik sap. ak. 8-ni tamanik tusarniaaneq (piiaanissamut akuersissumik qinnuteqarneq)

Utaqqivoq

VVM-imut aamma VSB-mut nassuiaatit nutarterneri

Utaqqivoq

-

IBA

Utaqqivoq

-

Piiaanissamut akuersissutip nalunaarutiginera

Utaqqivoq

-

Piiaanissamut matusinnissamullu pilersaarutit akuersissutigineri

Utaqqivoq

-

Suliassap siulliup akuerineqarnera

Utaqqivoq

-

Tusarniaanermut atortussat:

Misissuinissamut akuersissummit 2015/08-mi Bluejay Mining Avannaani pisinnaatitsissummik pigisaqarpoq. Piareersaataasumik tusarniaaneq tassaavoq ilmenit-imik piiaanissamut akuersissummik qinnuteqarniarnermik ingerlatseqatigiiffiup nalunaarnera.

     

Nunap assinga: Bluejay Mining Ltd. misissuinissamut akuersissutaa 2015/08 tungujortuvoq

Tusarniaanermut atortussat tassaapput allakkat makku (tamarmik kalaallisut/danskisut/tuluttut):

  1. Inuiaqatigiinni piujuaannartitsineq pillugu nalilersuinermi suliassiissummut siunnersuut (VSB) -Kalaallisut
  2. Avatangiisinut sunniutaasinnaasunik nalilersuinermi suliassiissummut siunnersuut (VVM) -Kalaallisut
  3. Inuiaqatigiinni piujuaannartitsineq pillugu nalilersuinermi suliassiissummut siunnersuut (VSB) -Danskisut
  4. Avatangiisinut sunniutaasinnaasunik nalilersuinermi suliassiissummut siunnersuut (VVM) -Danskisut
  5. Inuiaqatigiinni piujuaannartitsineq pillugu nalilersuinermi suliassiissummut siunnersuut (VSB) -Tuluttut
  6. Avatangiisinut sunniutaasinnaasunik nalilersuinermi suliassiissummut siunnersuut (VVM) -Tuluttut

 

Tusarniaanermut atortussani ingerlatseqatigiiffiup aqqa tassaavoq FinnAust Mining Plc. FinnAust Mining Plc tassaavoq ingerlatseqatigifiup pisinnaatitsissummik piginnittup Bluejay Mining Ltd.-ip ingerlatseqatigiiffiup piginnittuusumi aktienik amerlanerussuteqartoq. Ulloq marsip 11. 2017 ingerlatseqatigiiffik piginnittoq atini Bluejay Mining Plc.-mik taarserniarlugu aalajangerpoq.

 

Piiaanissamut akuersissummik qinnuteqarniarnermi malitsigisaanik, akuersissut 2015/08 Bluejay Mining Ltd.-mit aktienik ingerlatseqatigiiffimmut pilersinneqaqqammersumut Dundas Titanium A/S-imut tunniunniarlugu ingerlatseqatigiiffik marsip naanerani qinnuteqarpoq.

 

Piareersaataasumik tusarniaaneq inuiaqatigiinni piujuartussamik iluaqutaasumik sunniutaasussanik nalilersuinermi (VSB) aamma avatangiisinut sunniutaasinnaasunik nalilersuinermi (VVM) ingerlataqartoqarnissaanik ingerlatseqatigiiffiup kissaateqarneranik isigineqarsinnaavoq. Ingerlatseqatigiiffiup oqartussaasut tamanna pillugu ilisimatitsineratigut tamanna pissaaq, taavalu VSB aamma VVM pillugit nassuiaatinut suliassatut siunnersuutit ilanngutissallugit. VSB-mut aamma VVM-imut nassuiaasiornerni suliat ingerlannissaannut annertunerusumik paasissutissat ukunani allassimapput: “Aatsitassarsiornermi suliat ingerlasarnerinut tunngatillugu aamma VSB-imut nalunaarusiamik suliaqartarneq pillugu ilitsersuut” aamma ”Kalaallit Nunaanni aatsitassanik atuinermi ASN (VVM) pillugu nassuiaatip (Avatangiisinut Sunniutinik Nalilersuinerit) suliarineranut najoqqutassat”.

 

VSB-mut aamma VVM-imut nalunaarutini suliassartaasut siunnersuutit aatsitassanut inatsit malillugu ulluni 35-ni piareersaataasumik tusarniaaneq ingerlanneqassaaq. Piareersaataasumik tusarniaanermi saqummiunneqartut tunngavigalugit suliassat suunissaat aammalu kingusinnerusukkut VSB-mut aamma VVM-imut nassuiaatissatut siunnersuutit imassaat ingerlatseqatigiiffiup aalajangissavai.

 

Qaasuitsup Kommuniata avinneqarnissaa pillugu paasissutissanik tusarniaanermut atortussat imaqanngillat. Taamaattoq ingerlatseqatigiiffik oqartussaasunit qinnuigineqassaaq kommunip avinnissaa pillugu suliat inaarutaasumik suliassani oqaatigeqqullugit aammalu VSB-mut aamma VVM-imut nassuiaatini ingerlatseqatigiiffiup kingorna suliassamisut pilersaarusiaminut kommunip aaqqissugaanera naleqquttumik ilanngullugu.

 

Piareersaataasumik tusarniaanerup ingerlannerani tusarniaanermit akissutit nassuiaatinik sap. ak. 8-ni pisortatigoortumik tusarniaanermit akissutitut tigusat assigalugit hvidbogimut ilanngunneqassapput. Ingerlatseqatigiiffik taamaalilluni hvidboginik 2-nik VVM-ip aamma VSB-p ingerlannneqarneranni suliaqassaaq. Ataaseq suliassiissummik piareersaataasumik tusarniaanermut uiqqiullugu, ataaserlu nalunaarusiani missingiutit sapaatit akunnerini 8-ni tusarniaatiginerani. Hvidbogit tassaapput allakkatigut uppernarsaatit, tusarniaanermi oqaaseqaatinik pingaaruteqartunik imallit, taakkununnga akissutinik oqaaseqaatinilu aamma siunnersuutinik naleqquttunik suliassiissutinullu VVM-imut aamma VSB-mut nalunaarutini suliassanut qanoq ilanngunneqarnerinik inaarutaasumik nassuiaatinik imaqartut.

 

Tusarniaanermi periarfissaq: Ulloq 19. maj 2017 nal. 16.00.

 

Tusarniaanermi akissutit nassiunneqassapput uunga, Aatsitassanik Aqutsisoqarfik, Postboks 930, 3900 Nuuk imaluunniit mlsa@nanoq.gl assilineri ukununnga isiin@nanoq.gl aamma eamra@nanoq.gl

Sammisaq:

Aatsitassat

Tusarniaanerup suunera:

Avatangiisinik nalilersuinerit

Saqqummiunneqarfia:

12 apriili 16:00:00

Tusarniaanermi piffissaliussaq:

19 maaji 16:00:00

Tusarniaanermi akissutit uunga nassiuteqquneqarput:

mlsa@nanoq.gl