Uunga siunnersuut: Inatsisartut aalajangiiffigisassaat Namminersorlutik Oqartussat oqaaseqaatissaattut, Kalaallit Nunaanni sulitilluni ajoqusersinnaanermut isumannaarineq pillugu inatsisip allanngortinneqarnera pillugu

Inatsisartut upernaakkut 2018-imi ataatsimiinneranni aappassaaneerneqarlunilu pingajussaaneerneqassaaq uunga siunnersuut: Inatsisartut aalajangiiffigisassaat Namminersorlutik Oqartussat sullivinni isumannaallisaanermut suliassaqarfiup ilaanik nunami sullivinni isumannaallisaarnermut tunngasunik tigusinissaat pillugu. Aamma upernaakkut ataatsimiinnermi 2018-imi aappassaaneerneqarlunilu pingajussaaneerneqassaaq uunga siunnersuut: Sullivinnik isumannaallisaarneq pillugu inatsit.

Aalajangertoqassappat nunami sullivinnik isumannaallisaanermik suliassaqarfiup angerlaanneqarnissaanik, taava Sullivinnut Nakkutilliisoqarfimmik nutaamik pilersitsisoqassaaq, taamaammallu pisariaqassalluni Nakkutilliisoqarfiup nutaap sullivini ajoqusernerit danskit quppersagaannut anmeld.gl-imut nalunaarutigineqartut pillugit paasissutissinneqartarnissaa.

Siunnersuummi qularnaarneqarpoq danskit Suliffeqarnermi Inuussutissarsiutinut Sillimmasiisarfiata - Arbejdsmarkedets Erhvervssikring-ip paasissutissanik tunniussisarnissaa quppersakkaminiit taaguuteqartumiit anmeld.gl nunatsinni Sullivinnik Nakkutilliisoqarfimmut.  

Sullivinnik Nakkutilliisoqarfik sullivinni ajutoornerit nalunaarutigineqartartut tunuliaqutaralugit suliffeqarfinnut nakkutilliilluni pulaartarsinnaavoq. Paasissutissallu aamma anmeld.gl -imit pissarsiarineqartut aamma atorneqarsinnaapput Sullivinnik Nakkutilliisoqarfiup kissaatigippagu malinnaavigisinnaassallugit sullivinni ajoqusernerit nappaatillu pinngortartut nalunaarutigineqartartullu qanoq amerlatigineri, inuussutissarsiutit sammiviini assigiinngitsuni suliffinnilu ataasiakkaani.

Taamaattumillu siunnersuut pisariaqarpoq danskit Suliffeqarnermi Inuussutissarsiutinut Sillimmasiisarfiannut - Arbejdsmarkedets Erhvervssikring-ip – aamma Sullivinnik Nakkutilliisoqarfissap suleqatigiissinnaanissaanut sullivinni ajoqusernerit nappaatillugu nalunaarutigineqartartut tigoorarneqartarneranni.

Sammisaq:

Suliffeqarneq

Tusarniaanerup suunera:

Inatsisartut inatsisaat

Naalakkersuisoqarfik:

Inuussutissarsiornermut, Nukissiuuteqarnermut Ilisimatusarnermullu Naalakkersuisoqarfik

Saqqummiunneqarfia:

31 decembari 15:15:00

Tusarniaanermi piffissaliussaq:

05 februari 12:00:00

Tusarniaanermi akissutit uunga nassiuteqquneqarput:

isiin@nanoq.gl