Uunga siunnersuutit tusarniaassutigineqarnerat: naalagaaffimmi oqartussanit suliarineqartunut suliarineqarsimasunulluunniit paasitinneqarsinnaatitaaneq pillugit inatsisip atuutilersinneqarnissaanut kunngip peqqussutissaanut missingiut kiisalu allagaatinik il.il. paasitinneqarsinnaatitaaneq pillugu inatsisitigut aalajangersakkat assigiinngitsut allannguutaat pillugit inatsisip ilaasa Kalaallit Nunaanni atuutilersinneqarnissaannik kunngip peqqussutissaatut missingiut

Matumuuna naalagaaffimmi oqartussanit suliarineqartunut suliarineqarsimasunulluunniit paasitinneqarsinnaatitaaneq pillugit inatsisip atuutilersinneqarnissaanut kunngip peqqussutissaanut missingiut kiisalu allagaatinik il.il. paasitinneqarsinnaatitaaneq pillugu inatsisitigut aalajangersakkat assigiinngitsut allannguutaat pillugit inatsisip ilaasa Kalaallit Nunaanni atuutilersinneqarnissaannik kunngip peqqussutissaatut missingiut Naalakkersuisut tusarniaanermut nittartagaanni tusarniaassutigalugu nassiunneqarpoq.

Tusarniaanermut killissaliussaq: 

Tusarniaanermut akissuteqaat kingusinnerpaamik ataasinngorneq ulloq 30. januar 2017 nassiuteqquneqarpoq uunga Lovteknik@nanoq.gl imaluunniit allakkatigut Naalakkersuisut Siulittaasuata Naalakkersuisoqarfianut att. Inatsisilerinermut immikkoortortaqarfik, Imaneq 1A – 901 Postboks 1015 3900 Nuuk.

Siunnersuut pillugu: 

Inatsisinik atuutsitsinermut ministereqarfimmit qinnuigineqarneq malillugu Naalakkersuisut Siulittaasuata Naalakkersuisoqarfiata matumuuna naalagaaffimmi oqartussanit suliarineqartunut suliarineqarsimasunulluunniit paasitinneqarsinnaatitaaneq pillugit inatsisip atuutilersinneqarnissaanut kunngip peqqussutissaanut missingiut kiisalu allagaatinik il.il. paasitinneqarsinnaatitaaneq pillugu inatsisitigut aalajangersakkat assigiinngitsut allannguutaat pillugit inatsisip ilaasa Kalaallit Nunaanni atuutilersinneqarnissaannik kunngip peqqussutissaatut missingiut tusarniaassutigalugit nassiuppai.

Naalagaaffimmi oqartussanit suliarineqartunut suliarineqarsimasunulluunniit paasitinneqarsinnaatitaaneq pillugit inatsisip atuutilersinneqarnissaanut kunngip peqqussutissaanut missingiut

Ulloq 1. januar 2014 pisortat ingerlatsinerannut inatsit atuuttoq (inatsit nr. 606, 12. juni 2013-imeersoq) Danmarkimi atuutilerpoq. Inatsimmi § 43 malillugu inatsit Savalimmiut aamma Kalaallit Nunaata susassaqarfiinut atuutinngilaq, kisianni kunngip peqqussutaatigut suliassanut taamaattunut, naalagaaffimmi oqartussaasumit suliarineqartunut imaluunniit suliarineqarsimasunut, atuutsinneqalersinnaalluni. 

Kunngip peqqussutaanut missingiutip pigineqalernerani pisortat ingerlatsinerannut inatsit Kalaallit Nunaanni susassaqarfiit pillugit suliassanut atuutsinneqalissasoq siunnersuutigineqarpoq.

Siunnerfigineqarpoq inatsit suliassanut taakkununnga annikitsuaraannarmik allannguuteqartillugu atuutsinneqalissasoq. Inatsisip Kalaallit Nunaannut atuutsinneqalertussaannginnera, kisianni Kalaallit Nunaanni susassaqarfiit pillugit naalagaaffimmi suliarinninnermut atuutsinneqalertussaanera tamatumunnga pingaartumik pissutaavoq.

Ileqqorissaarnissaq eqqarsaatigalugu oqaatigineqassaaq pisortat ingerlatsinerannut inatsisip atuutsinneqalernera kalaalit oqartussaasuinut atuutilissanngimmat. Oqartussanut taakkununnga maleruagassat Kalaallit Nunaanni akuerineqarsimasut atuupput. 

Allagaatinik il.il. paasitinneqarsinnaatitaaneq pillugu inatsisitigut aalajangersakkat assigiinngitsut allannguutaat pillugit inatsisip ilaasa Kalaallit Nunaanni atuutilersinneqarnissaannik kunngip peqqussutissaatut missingiut

Ulloq 1. januar 2014 pisortat ingerlatsinerannut inatsit atuuttoq (inatsit nr. 606, 12. juni 2013-imeersoq) Danmarkimi atuutilerpoq. Ulloq taanna allagaatinik il.il. paasitinneqarsinnaatitaaneq pillugu aalajangersakkat assigiinngitsut allannguutaat pillugit inatsit  (inatsit nr. 639, 12. juni 2013-imeersoq) atuutilerpoq, taanna pisortat ingerlatsinerannut inatsisip atuutsinneqalernera ilaatigut eqqarsaatigalugu inatsisini assigiinngitsuni sunniutaasunik allanngortitsinermik imaqarluni.

allagaatinik il.il. paasitinneqarsinnaatitaaneq pillugu aalajangersakkat assigiinngitsut allannguutaat pillugit inatsimmi § 32, imm. 5 malillugu inatsimmi §§ 1, 3, 8, 21 aamma 23-30 tamakkiisumik ilaannaasumilluunniit Kalaallit Nunaanni atuutsinneqalersinnaapput. Aalajangersakkat taakkua pisortat ingerlatsinerannut inatsimmut innersuussinerni allanngortitsinermut tunngassuteqarput, ilaatigut inuit pillugit paasissutissanik suliarinnittarneq pillugu inatsimmi, atuinermut ilusiliat pillugit inatsimmi, aningasalersuinermik suliaqarneq pillugu inatsimmi, pappiaqqanik nalilinnik niueruteqartarneq pillugu inatsimmi, piginnittussaatitaanermut inatsimmi aamma nioqqutissanik nalunaaqutsersuisarnermut inatsimmi, kunngip peqqussutaatigut Kalaallit Nunaannut atuutsinneqartuni.

Saqqummiunneqarfia:

23 decembari 00:00:00

Tusarniaanermi piffissaliussaq:

30 januari 00:00:00

Tusarniaanermi akissutit uunga nassiuteqquneqarput:

Lovteknik@nanoq.gl