Najukkani radioqarfinnut aamma tv-qarfinnut tapiissuteqartarneq pillugu nalunaarummut siunnersuut

Ilanngullugu nassiunneqarpoq najukkani radioqarfinnut aamma tv-qarfinnut tapiissuteqartarneq pillugu nalunaarummut siunnersuut.

Siunnersuut suliarineqarpoq radiukkut tv-kkullu aallakaatitassiortarneq pillugu Inatsisartut inatsisaat nr. 7, 8. juni 2014-imeersoq tunuliaqutaralugu.

Tamatumunnga atatillugu Inatsisartut aalajangersarpaat inatsimmi kapitali 5 naapertorlugu tapiissuteqariaatsit pingasut atorneqarsinnaasut:

1) Tunngaviusumik ingerlatsinermut tapiissutit najukkami radioqarfinnut aamma tv-qarfinnut, takuuk inatsimmi § 39 aamma nalunaarummut siunnersuummi §§-it 4-miit 9-mut.

2) Aallakaatitassiornermut tapiissutit najukkami tv-qarfinnut, takuuk inatsimmi § 40 aamma nalunaarummut siunnersuummi §§-it 10-miit 15-imut.

3) Ilinniaqqinnernut ingerlaqqiffiusumillu ilinniagaqarnermut tapiissutit najukkani radio-qarfinni aamma tv-qarfinni sulisunut, takuuk inatsimmi § 41 aamma nalunaarummut siunnersuummi §§-it 16-imiit 18-imut.

Kiisalu inatsimmi § 43, imm. 1-imi ersippoq malittarisassiortoqarsinnaasoq tapiissutissatut aningaasaliissutaasa ilaasa killeqartut allaffissornermut aamma paasissutissiisarnermut tapiissutigineqarsinnaanerat pillugu.

Siunnerfiuvoq nalunaarut 1. januar 2017 atortuulersinneqassasoq. 

Oqaaseqaataasinnaasut Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfimmut nassiutereeqquneqarput kingusinnerpaamik ulloq 31. oktober 2016. Oqaaseqaatit nassiuteqqunneqarput Naalakkersuisoqarfiup pisortatigoortumik mail-ianut: ikiin@nanoq.gl, periarfissaavorlu aamma Naalakkersuisoqarfiup allakkanut nalinginnaasunut adressianut nassiussisinnaaneq:

Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfik, Postbox 1029, 3900 Nuuk.

Inussiarnersumik inuulluaqqusillunga

Marcus Dalro

Inatsisilerinermut immikkut siunnersorti

 


Sammisaq:

Kulturi

Tusarniaanerup suunera:

Nalunaarummut siunnersuut

Naalakkersuisoqarfik:

Ilinniartitaanermut, Kultureqarnermut Ilageeqarnermullu Naalakkersuisoqarfik

Saqqummiunneqarfia:

26 septembari 00:00:00

Tusarniaanermi piffissaliussaq:

31 oktobari 00:00:00

Tusarniaanermi akissutit uunga nassiuteqquneqarput:

ikiin@nanoq.gl