2016-imi Tunup avannaata imartaani sajuppillatsitsisarluni misissuinissamut TGS-ip suliassamut nassuiaataata (Scope of Works) tamanut ammasumik ulluni 35-ni piareersaataasumik tusarniaassutigineqarnera (NEG16)

2016-imi Tunup avannaata imartaani sajuppillatsitsisarluni misissuinissamut TGS-ip qinnuteqaateqarnerani suliap killiffia (NEG16)

Immikkoortoq

Killiffik

Ulloq

Scope-p/suliamut nassuiaatip tunniunneqarnera

OK

26. november 2015

Scope-p/suliamut nassuiaatip ulluni 35-ni piareersaataasumik tusarniaassutigineqarnera

OK

15. januar 2016 - 19. februar 2016

VVM-imut nassuiaatip sivikinnerpaamik sap. ak. 8-ni tamanut ammasumik tusarniaassutigineqarnera

Utaqqitinneqarpoq

(2016-imi marsimiit maajimut pinissaa naatsorsuutigineqarpoq)

Suliap akuerineqarnera

Utaqqitinneqarpoq

Piareersaataasumik tusarniaaneq suua, tamatumanilu suna siunertaava?

Aatsitassanut ikummatissanullu inatsit naapertorlugu 1. juli 2014-imiit VVM-imut nassuiaasiassap imaata aalajangersarneqannginnerani suliassamut nassuiaat ulluni 35-ni tamanut ammasumik piareersaataasumik tusarniaassutigineqartussaavoq.

Piareersaataasumik tusarniaaneq VVM-imut nassuiaaterpiaap sap. ak. 8-ni tamanut ammasumik tusarniaassutigineqarneranut tapertaavoq, sapinngisamik suliap ingerlanneqarnerani siusissukkut suliaq pillugu paasissutissiinerup annertusineqarnissaa, kiisalu tamat akuutinneqarnissaat siunertarineqarluni.

Piareersaataasumik tusarniaaneq suliassamut siunnersuutit, isumassarsiat apeqqutillu paasissutissiiviusut allat suliap ingerlanerani sapinngisamik siusissukkut isumagineqarnissaannut iluaqutaassaaq, taamaalillunilu qinigassanut isummersuutit siunnersuutillu suliassap piareersarneqarneranut ilaatinneqarsinnaassallutik.

Kiisalu ingerlatseqatigiiffiit suliap ingerlanerani siusissukkut soqutigisalinnut oqartussaasunullu attuumassutilinnut attaveqalersinnaassapput.

Piareersaataasumik tusarniaanermi pissarsiarineqartut tunngavigalugit ingerlatseqatigiiffiup VVM-imut nassuiaasiassap imassai inaarutaasut aalajangersassavai. Tusarniaanermut akissuteqaatit tiguneqartut ingerlatseqatigiiffinnut nassiunneqassapput, ingerlatseqatigiiffillu pisussaavoq tusarniaanermut akissuteqaatinit immersuissutaasut VVM-imut nassuiaatip suliarineqarnerata ingerlaqqinneranut ilanngutissallugit.

Tusarniaanermut akissuteqaatit sap. ak. 8-ni tamanut ammasumik tusarniaanermut akissuteqaatit assigalugit itisiliiffiusumik nalunaarusiami, ingerlatseqatigiiffiup suliarisassaanut ilanngunneqassapput. Itisiliiffiusumik nalunaarusiaq allakkiaavoq, tusarniaanermi oqaaseqaatinik, taakkununnga akissutinik aammalu oqaaseqaatit qanoq annertutigisumik suliassamut taassuminngalu nassuiaatinut allannguuteqartitsissanersut allaaserisanik imaqartussaq.

Uani takuuk

Suliassamut nassuiaat:

TGS-NOPEC Geophysical Company ASA misissueqqaarnissamut akuersissummut nr. 2014/13-imut pisinnaatitaaffeqartutut, Tunup avannaata imartaani 10.000 liniekilometerit tikillugit isorartussusilimmi 2D-nik sajuppillatsitsisarluni paasissutissanik katersinissamut akuerineqarnissamik qinnuteqarpoq kiisalu immap naqqaniit misissugassanik 50-nik katersinissamut (ikkattuaqqami immap naqqaniit misissugassanik katersuineq – tuluttut taaguut: gravity core) aamma ilassutissat 100-it immap naqqanit misissugassat (immap naqqanit misissugassat katersukkat) kiisalu sikunik malittarinnifissanik puttaqutiliineq. Qinnuteqartup naliliinera malillugu paasissutissanik katersinissaq qaammatit sisamat tikillugit sivisussuseqarnissaa ilimagineqarpoq (2016-imi 1. juulimiit 31. oktobarimut).

Misissuinissat siunnersuutigineqartut sumiiffiit matoqqasut, imaani uumasut miluumasut illersorneqarnissaat eqqarsaatigalugu sajuppillatsitsisarluni misissuinissamut inerteqquteqarfiusut avataaniissapput. Sumiiffiit imaani uumasunik miluumasunik illersuiffiusut VVM-imut nassuiaammi annertuumik sammineqassapput.

NEG16-ip misissuiffigineqarnerani angallatip sajuppillatsitsisarluni misissuisartup aammalu angallatit tapertaasut marluk tikillugit atorneqarnissaat pilersaarutigineqarpoq.

Tusarniaanermi oqaaseqarnissamut periarfissarititaasoq

2D-nik sajuppillatsitsisarluni paasissutissanik katersinissamut aamma immap naqqanit misissugassat katersukkat kiisalu sikunik malittarinnifissanik puttaqutiliineq qinnuteqarnermut atatillugu suliassamut nassuiaatissatut (Scope of Works) missingiummut oqaaseqaatit kingusinnerpaamik 19. februar 2016-imi nal. 16.00. Aatsitassanik Suliassaqarfinnut Avatangiisinut Aqutsisoqarfimmut (eamra@nanoq.gl) nassiuteqquneqarput.

Sammisaq:

Avatangiisit

Tusarniaanerup suunera:

Avatangiisinik nalilersuinerit

Siunertaq:

2016-imi Tunup avannaata imartaani sajuppillatsitsisarluni misissuinissamut TGS-ip suliassamut nassuiaataata (Scope of Works) tamanut ammasumik ulluni 35-ni piareersaataasumik tusarniaassutigineqarnera (NEG16)

Saqqummiunneqarfia:

15 januari 15:30:00

Tusarniaanermi piffissaliussaq:

19 februari 16:00:00

Tusarniaanermi akissutit uunga nassiuteqquneqarput:

eamra@nanoq.gl